gulminews logo
शनिबार, २०७९ जेष्ठ ७

मदाने गाउँपालिकाद्धारा राष्ट्रिय मापदण्ड अनुसार राहत वितरण, सात सय ७० परिवार लाभाम्बित हुने

Share on facebook
Share on twitter
Share on whatsapp
Share on email

टोपलाल अर्याल
गुल्मी, २६ चैत। जिल्लाको मदाने गाउँपालिकाले राष्ट्रिय मापदण्ड अनुसार राहत वितरण गरेको छ । अन्य स्थानीय तहले आफ्नै मापदण्ड बनाएका छन् । गुल्मीमा पहिलो स्थानीय तहको रुपमा मदाने गाउँपालिकाले सात सय ७० विपन्न परिवारलाई राष्ट्रिय मापदण्ड अनुसारनै राहत वितरण गर्न थालेको छ ।

मंगलबार र बुधबार गरेर मदाने गाउँपालिकाका छ सय ७० विपन्न परिवारलाई राहत वितरण गरिएको मदाने गाउँपालिका उपप्रमुख सरिता खड्काले बताइन् । प्रति परिवार ३० किलो चामल, तीन किलो दाल, दुई लिटर तोरीको तेल, चार वटा सावुन र दुई किलो चिनी प्रदान गरिएको उपप्रमुख खड्काले जानकारी दिइन् । खाद्यान्य खरिद तथा वितरणको काम वडा कार्यालय आफैले गर्ने र अनुगमन गाउँपालिकाले गर्ने व्यावस्था मिलाइएको मदाने गाउँपालिकाका प्रमुख प्रशासकीय अधिकृत सुरेश भण्डारीले बताए । उनले राहत बितरणलाई पारदर्शी बनाउन वडा स्तरमा सर्वदलित राहत वितरण समिति निर्माण गरेर सोहि समिति मार्फत लगत संकलन, खाद्यान्य खरिद तथा वितरण गरिएको भण्डारीले बताए ।

गाउँपालिकाका सात सय ७० बिपन्न परिवारलाई १७ लाख ५० हजार बराबरको खाद्यन्य सामग्री वितरण गरिएको उनले बताए । मदाने गाउँपालिका वडा नं १ अग्लुङ्गका एक सय १५, वडा नं ३ सिर्सेनीका एक सय १४, वडा नं ४ म्यालपोखरीमा एक सय आठ घर विपन्न परिवारलाई राहत वितरण गरिएको मदाने गाउँपालिकाका सूचना अधिकारी क्रृषिराम पोख्रेलले जानकारी दिए ।

त्यस्तै वडा नं ५ मलागिरीका एक सय १६, वडा नं ६ पुर्कोटदहका एक सय छ र वडा नं ७ भनभनेका एक सय ११ विपन्न परिवारलाई राहत वितरण गरिएको छ । वडा नं २ बाझकटेरीका एक सय विपन्न घरपरिवारलाई भने बिहिबार राहत वितरण गरिने सूचना अधिकारी पोख्रेलले बताए । राहत बितरणको राष्ट्रिय मापदण्डको परिणाम बढि भएकाले महङ्गो पर्छ । त्यहि कारण जिल्लाका अन्य स्थानीय तहले आफ्नै मापदण्ड बनाएर राहत वितरण गरिरहेका छन् ।

यो पनि पढ्नुस्

इतिहासको साँक्षी भार्सेको गोर्खा ग्यालरी, भिक्टोरिया क्रस पाउने रानादेखि भारतमा नेपाली पहिलो कर्णेल बुढाथोकी

टोपलाल अर्यालगुल्मी, ६ जेठ । नेपालका बिरलै गाउँ मध्येको भार्से गाउँ हो । जहाँ समुदाय

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D