जिल्ला समाचार

भुपु विद्यार्थीद्धारा विद्यालयलाई स्वास्थ्य सामग्र प्रदान

हुमाकान्त पोखरेल
गुल्मी, ०५ असौज । मदाने गाउँपालिका –३ सिर्सेनीस्थित खन्युखर्क निम्न माध्यमिक विद्यालयलाई विभिन्न स्वास्थ्य सामग्री प्रदान गरिएको छ । विद्यालयमा पढेका पूर्व विद्यार्थीहरुको समुह ‘खन्यूखर्क भुपु विद्यार्थी समुह’ ले सोमबार विद्यालयको लागि आवश्यक विभिन्न स्वास्थ्य सामग्री प्रदान गरेको हो ।

सर्जिकल माक्स ४० प्याकेट, पाँच सय एम्.एल्.का १० पिस सेनिटाइजर, तीनओटा डिजिटल थर्मोमिटर, एउटा अक्सिमिटर, ११ वटा फेससिल्ट तथा छ वटा साबुन प्रदान गरिएको समाजका संयोजक बिमल घर्तीले जानकारी दिए । समाजले विद्यालयको विकासको लागि सहयोग अभियान नै संचालन गरेको थियो । जसमा दुई लाख रकम संकलन भएको थियो ।

संकलित रकममध्येबाट ११ हजार बराबरका स्वास्थ्य सामग्री प्रदान गरेको घर्तीले जानकारी दिए । सामग्री ग्रहण गर्दै विद्यालय व्यवस्थापन समिति अध्यक्ष कृष्ण प्रसाद घिमिरे र प्रध्यानाध्यापक गोविन्द प्रसाद घिमिरेले सहयोग गर्ने विद्यार्थी समाजलाई धन्यवाद् दिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D