जिल्ला समाचार

बुटवल बसपार्कबाट गुल्मी हिँडेका दाजु बहिनी सम्पर्क बिहिन

टोपलाल अर्याल
गुल्मी, ९ चैत । जिल्लाको मुसिकोट नगरपालिका २ का दाजुबहिनी सम्पर्क बिहिन भएका छन् । मुसिकोट मैदान निवासी भुपेन्द्र जिसीको १३ बर्षीय छोरा बिजय र १२ बर्षीया छोरी सिचना जिसी सम्पर्क बिहिन भएका हुन् ।

शुक्रबार दिउँसो ३ बजे बुटवल बसपार्कबाट घर हिँडेका दाजुबहिनी अहिलेसम्म परिवारको सम्पर्कमा नआएको बुवा भुपेन्द्र जिसीले बताए । केहि बर्षदेखि जिसी परिवाले बुटवलमै ज्याला मजदुरी गर्दै आएका छन् ।

बिजय ६ महिनादेखि र सिचिना एक बर्षदेखि बाबा आमासंगै बस्ने गरेका थिए । आफुहरु काममा गएको बेला दाजुले बहिनी लिएर हिडेको र वुटवल बसपार्कमा सानीमाले बोलाउँदा भागेर हिडेको आमा कल्पना जिसीले बताइन् ।

उनले देशभर कोरोनाको संक्रमणको त्रास भइरहेका बेला छोराछोरी नै सम्पर्क बिहिन भएकाले थप पीडा भएको बताइन् । पहाड घर मुसिकोटमा पनि सम्पर्क भएकाले अहिलेसम्म नपुगेको जिसीले बताइन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D