जिल्ला समाचारसकारात्मक कुरा

प्रहरीले तम्घासमा हराएको १ लाख नगद फेला पारि बुझायो

अनिल खत्री
२५ मंसिर, गुल्मी । गुल्मी प्रहरीले हराएको रु १ लाख नगद फेला पारि बुझाएको छ । जिल्लाको सदरमुकाम तम्घास निवासी केशवराज आचार्यको हराएको रु १ लाख नगद प्रहरीले फेला पारि एक कार्यक्रमका बिच बुझाएको हो ।

प्रहरीले फेला पारेको रकम गुल्मीका प्रमुख जिल्ला अधिकारी कोशहरि निरौलाले सम्बन्धीत व्यक्तिलाई हस्तातरण गरेका हुन् । आचार्यले सोमबार तम्घासको क्याम्पस रोड स्थित निलगिरि मोबाइल पसल अगाडीबाट हराएको प्रहरी कहाँ बताएका थिए ।

प्रहरी निरीक्षक चुडामणि पुनको नेतृत्वमा खटिएको टोलीले जिल्ला प्रहरी कार्यालय र जिल्ला हुलाक कार्यालयको निगरानीमा रहेको सिसीटिभीको आधारमा अनुसन्धान गरि उक्त रकम फेला परेर सम्बन्धी व्यक्तिलाई हस्तातरण गरिएको जिल्ला प्रहरी कार्यालय गुल्मीका प्रहरी नायव उपरिक्षक मिनबहादुर घलेले बताए । रकम फेला पर्नुमा सहयोग गर्ने तम्घासमा अध्ययनरत बिद्यार्थीहरु भावना पोखरेल सहितका २ जना बिद्यार्थीहरुको सहयोगमा उक्त रकम फेला पार्न सफल भएको प्रहरीले जनाएको छ ।

आचार्यले रकम फेला पार्न सहयोग गर्ने बिद्यार्थीलाई नगद समेत दिएका थिए । जिल्ला सदरमुकाम तम्घासमा हुनसक्ने अपराधी एबम् चोरी लगायतका क्रियाकलापको निगरानी गर्न बजारमै सिसीटिभी राखिएको छ ।

बजारका अति व्यस्त १ दर्जन स्थानहरु पहिलो चरणमा सिसीटिभी राखिएको हो । जिल्ला प्रहरी कार्यालय गुल्मी र जिल्ला प्रशासन कार्यालय गुल्मीको सक्रियतामा सिसी टिभी राखिएको थियो ।

सिसी टिभी मार्फत रकम फेला पार्न सफल भएकोमा प्रहरी र फेला पार्न सहयोग गर्ने बिद्यार्थीलाई प्रमुख जिल्ला अधिकारी निरौलाले धन्यवाद समेत दिए । उनले कुनै पनि अपराधी क्रियाकलापहरु नघटनु भनेर तम्घास बजारमे सिसीटिभी राख्ने कार्य भएको बताए ।

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker