जिल्ला समाचार

पहिरो पिडितलाई शसस्त्र प्रहरीले अस्थायी आवास बनायो

अनिल खत्री
२ भदौं, गुल्मी । गुल्मीको सत्यवतिमा पहिरोले बिद्यालयमा आश्रय लिएका स्थायिनलाई शसस्त्र प्रहरीले अस्थायी आवास निर्माण गरिदिएको छ । पहिरोबाट घरवास गुमाएकाहरुको लागि अस्थायी रुपमा बसोवास गर्नको लागि जिल्ला सदरमुकाम तम्घासबाट गएको शसस्त्र प्रहरीले अस्थायी आवास टेन्ट निर्माण गरिदिएको हो ।


पहिरो प्रभावितहरुको लागि ल्याइएका अस्थायी आवासका टेन्टहरु स्थानियले निर्माण गर्न नजोपछि प्रहरीले निर्माण गर्ने तरिका पनि सिकाएको शसस्त्र प्रहरी वल गुल्मीका प्रहरी नायव उपरिक्षक (डिएसपी) बिनोदराज खनालले बताए । पहिरोले घरवास गुमाएर बिद्यालयमा आश्रय लिएका स्थानियलाई बिद्यालय सुरु भएकापछि सुरक्षित स्थानमा अस्थायी आवास पनि निर्माण गरिएको हो ।


अस्थायी आवास निर्माणको लागि स्थानियले आग्रह गरेपछि जिल्ला सदरमुकाम तम्घासबाट टेन्ट निर्माणको लागि शसस्त्र प्रहरी टोलि प्रभावित क्षेत्रमा पुगेका नायव उपरिक्षक (डिएसपी) खनालले बताए । यस अघि पनि प्रहरीले २ दर्जन वढि अस्थायी रुपमा टेन्ट प्रयोग गरेर घरहरु निर्माण गरेका थिए ।
पहिरोबाट प्रभावित ३ सय ७ घर परिवारका १२ सय ६० लाई प्रभावितहरु अस्थायी शिविर संचालन राखिएको छ । प्रभावितहरुको लागि अस्थायी आवासमा बस्नका लागि आबश्यक पर्ने सम्पुर्ण सामाग्रीहरु सहित हस्तातरण गरिदैँ आएको छ ।


बिभिन्न संघसंस्थाको सक्रियतामा स्कुलमा बस्दै आएका पहिरो पिडितहरुको लागि आबश्यक १ सय २० वटा सेट किचनकिड (४६ वटा आइटम भएका सामाग्रीहरु) प्रभावितलाई बितरण गरिएको प्रमुख जिल्ला अधिकारी यदुनाथ पौडेलले बताए । अस्थायी आवासका सामाग्रीहरु ९० वटा पलङ, १२० वटा टेन्ट लगायत अरु धेरै आबश्यक सामाग्रीहरु हस्तातरण गरिएको थियो ।


झण्डै डेढ करोड रकम संकलन
सत्यवतीका पहिरो पिडितको खातामा झण्डै डेढ करोड नगद राहत संकलन भएको छ । जिल्लाको सत्यवती गाउँपालिका वडा नं.३ र ४ को विपद व्यवस्थापनका लागि तपशीलका १ करोड २३ लाखरुपैयाँ संकलन भएको सत्यवति गाउँपालिका प्रमुख प्रशासकीय अधिकृत यादव भण्डारीले बताए ।
गाउँपालिकाले खोलेका खाताहरुमा संकलित रकम बाहे जिन्सी सामाग्रीहरु पनि संकलन भएको छ । विभिन्न स्थानीय तह, राजनैतिक दल र संघसंस्थाले गरेको सहयोग गरेका छन् ।


अझै पनि सहयोग प्राप्त हुने क्रम रहेको प्रमुख प्रशासकीय अधिकृत यादव भण्डारीले बताए । त्यस्तै नगद र खाद्य, लत्ता कपडा एवं अन्य राहतका सामग्री प्राप्त भएको गाउँपालिकाले जनाएको छ ।
सवैभन्दा बढि भौतिक क्षति वडा नं ३ ठुलोलुम्पेकमा भएको छ । जसका कारण नगद तथा राहत सामग्री ठुलोलुम्पेकमा धेरै संकलन भएको छ । ठुलोलुम्पेकमा तीन सय ८० क्वीन्टल चामल, २२ क्वीन्टल ८० केजी दाल, १३ क्वीन्टल नुन, १३ सय २३ लिटर तेल तथा तीन सय ७० ब्लाङकेट, एक सय १८ थान कम्बल, पाँच सय २२ थान विभिन्न कपडा प्राप्त भएको छ । पहिरोमा १३ जनाको मृत्यु भएको थियो भने ठूलो मात्रामा जनधनको क्षती भएको थियो ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D