gulminews logo
शुक्रबार, २०७९ जेष्ठ ६

धुर्कोट गाउँपालिका बिपन्नलाई गाउँमै खाद्यान्न संकलन गर्दै

Share on facebook
Share on twitter
Share on whatsapp
Share on email

टोपलाल अर्याल
गुल्मी, १६ चैत। धुर्कोट गाउँपालिकाले विपन्न नागरिकका लागि खाद्यान्न संकलन गर्न सुरु गरेको छ । कोरोना संक्रमणको जोखिम न्यूनिकरण गर्न देश लक डाउन भएको एक हप्ता पुग्न थाले । यो अवधि अझै एक हप्ता थपिएको छ । जसका कारण विपन्न नागरिकलाई पर्न सक्ने असरलाई मध्ये नजर गरेर गाउँमै खाद्यान्न संकलनको अभियान थालिएको धुर्कोट गाउँपालिकाका प्रमुख भुपाल पोख्रेलले बताए । उनले आफुले सक्ने गाउँको उत्पादन सहयोग गरेर कोरोनाको बिपद् न्यूनिकरणमा राज्यले गरेको लक डाउनलाई सहयोग पुराउन सवैलाई आग्रह गरेका छन् ।

नगदसहित नुन, तेल, चाम, गौ, जौ लगायतका दैनिक उपभोग्य वस्तुहरु सहयोग गर्न सकिने पोख्रेलले बताए । गाउँपालिकाले बिपद् व्यावस्थापन कोष निर्माण गरेको छ । जसमा प्रमुख र उपप्रमुखले १५ दिनको पारिश्रमीक, वडाध्यक्ष, कार्यपालिका सदस्य तथा वडा सदस्यले १५ दिनको पारिश्रमीक, अधिकृत स्तरका कर्मचारीले ५ दिनको पारिश्रमीक, शिक्षकहरुले दुई दिन र सहायक स्तरका कर्मचारीले तीन पारिश्रमीक कोषमा जम्मा गर्ने निर्णय गरिएको गाउँपालिकाका प्रमुख प्रशासकीय अधिकृत काशीराम पन्थीले जानकारी दिए ।

धुर्कोट गाउँपालिकाले कोरोना संक्रमणको न्यूनिकरणको लागि अन्य काम पनि व्यवस्थित गर्दै आएको छ । प्रत्येक वडामा क्वारेन्टाइन संचालनमा छन् । गाउँपालिकाघर एक सय वेडको क्वारेन्टाइ निर्माण गरेर आवश्यक सवै प्रबन्ध मिलाएको गाउँपालिकाका उपप्रमुख शिव बहादुर केसीले बताए । उनले अहिले भर्खरै २० सेट पिपिइ, आवश्यक माक्स, क्वारेन्टाइनमा खाद्य, सरसरफाई, स्वास्थ्योपचार लगायतका काम भएको बताए । साथै गाउँपालिकाले प्रत्येक दिन गाउँपालिका भित्रको स्वास्थ्य संस्थामा उपचार गर्न आएका बिरामीको तथ्यांक संकलन गरेर सार्वजनिक गर्दै आएको छ ।

महामारी सूचना अधिकारी तोकेर स्वास्थ्यका सवै सूचना अभिलेख गर्ने तथा प्रकाशन र प्रसारण गर्ने गरिएको केसीले बताए । धुर्कोट गाउँपालिकामा भारत लगायत अन्य मुलुकबाट दुई सय १० जना नागरिक गाउँ आएको धुर्कोट गाउँपालिकाको महामारी सूचना अधिकारी डिल्लीराज पराजुलीले जानकारी दिए । अहिलेसम्म परमानन्द बहुमुखी क्याम्पसमा ५ र निन्यूखर्क माविमा ५ गरेर १० जना भारतबाट आएकालाई क्वारेन्टाइनमा राखिएको छ । प्रत्येक वडामा भारतबाटै आएका धेरै भएकाले उनीहरुलाई घरमै व्यावस्थापन गर्ने काम चुनौतिपूर्ण रहेको बताए ।

यो पनि पढ्नुस्

मेयर पन्थीका उत्साहित संकल्प: साढे दुई घण्टामा बुटवल–तम्घास, भ्रष्टचार हुन दिन्न, सिफारिस नपाएर रुन दिन्न

टोपलाल अर्यालगुल्मी, १ जेठ । रेसुंगा नगरपालिका नव–निर्वाचित मेयर खिलध्वज पन्थीले नगरमा अब कसैले भ्रष्टचारको

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D