जिल्ला समाचार

धुर्कोट कोटमा सुख्खा पहिरो, बस्ति जोखिममा

हुमाकान्त पोखरेल
गुल्मी, २९ भदौ । गुल्मीको धुर्कोट गाउँपालिका वडा नम्बर ६ धुर्कोट रजस्थलमा सुख्खा पहिरो जाँदा दलित बस्ति जोखिममा परेको छ । धुरको माथिल्लो भाग अर्थात ऐतिहाँसिक धुर्कोट कोटको तलपट्टिको चट्टान खस्दा बस्ति जोखिमा परेको हो । स्थानिय नारायण नेपाली, प्रेम नेपाली, ध्रुव नेपाली, श्याम नेपाली, नर बहादुर नेपाली, विष्णु नेपाली, विष्णु नेपाली, बाबुराम नेपालीको घर जोखिममा परेको छ ।

त्यस्तै राम नेपाली र गिता नेपालीको घर पनि जोखिममा परेको स्थनिय पुष्कर खड्काले जानकारी दिए । एक्कासि माथिबाट ठूला–ठूला चट्टान खस्न थालेपछि स्थानियले घर नै छाडेका थिए । त्यस्तै कोटमा टेलिकमले बनाएको टावरनजिकबाट पनि जमिन चर्किएको छ । यससम्बन्धमा गाउँपालिकाका प्रमुख भुपाल पोखरेलले जोखिममा रहेको बस्ति स्थानान्तरणका लागि सम्बन्धित निकायमा पहल गर्ने बताएका छन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D