कोरोनाजिल्ला समाचार

धुर्कोटले २ दिनभित्र प्रत्येक वडामा हेलिप्याड निर्माण गर्ने

टोपलाल अर्याल
३१ बैशाख, गुल्मी। धुर्कोट गाउँपालिकाले दुई दिन भित्र प्रत्येक वडामा हेलिप्याड निर्माण गर्ने भएको छ । धुर्कोट गाउँकार्यपालिकाको बैठकले जिल्ला सिल गर्ने निर्णयसंगै लकडाउनलाइ अझै प्रभाबकारी बनाउन प्रत्येक वडामा बिहिवारबाटै हेलिप्याड निर्माण गरिने गाउँपालिका प्रमुख भुपाल पोख्रेलले जानकारी दिए ।

बिपतको बेलामा अत्यावश्यक सामग्री ल्याउन र बिरामी तत्काल रेफर गर्नुपर्ने स्थिति पनि आउन सक्ने भएकाले प्रत्येक वडामा हेलिकप्टर बस्ने हेलिप्याड निर्माण गर्ने सोच आएको पोख्रेलले बताए । साथै बैठकले जिल्ला भन्दा बाहिर बाट आउनेलाई २१ दिनसम्म क्वारेण्टिनमा राख्ने, धुर्काेट गाउँपालिकाको केन्द्रमा रहेको देविस्थान प्रा.वि मा २० बेडको आइसोलेशन कक्ष निर्माण गर्ने निर्णय गरेको छ ।

गाउँपालिकाबाट सञ्चालित योजनाहरुको सम्झौता, सिफारिस तथा फरफारक गर्ने कार्य समेत जेठ ५ सम्मका लागी बन्द गरिएको गाउँपालिका उपप्रमुख शिव बहादुर केसीले बताए । धुर्कोट गाउँपालिकाका सम्पुर्ण प्रवेश नाकाहरुमा थप स्वयमसेवक र सुरक्षाकर्मी परिचालन गर्ने निर्णय भएको केसीले बताए ।

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker