जिल्ला समाचारप्रविधी

दुर्गम गाउँ धुर्कोटमा अब “फ्रि वाईफाई”, सरकारी काम पनि अन्लाईनबाटै

प्रेम सुनार
गुल्मी, कार्तिक ३ । कुनै समय सिडिएमए टेलिफोनले समेत राम्रो संग काम नगर्ने गुल्मीको धुर्कोटमा अव छिट्टै गाउँपालिकाले फ्रि वाईफाई सेवा विस्तार गर्ने भएको छ । कार्यभार सम्हालेको सय दिनमा आफुहरुले गरेका कामहरु पत्रकार भेटघाट कार्यक्रममा सार्वाजानिक गर्दै धुर्कोट गाउँपालिका प्रमुख भुपाल पोखरेलले यस्तो जानकारी दिएका हुन् ।

पोखरेलले भने, ‘एक महिना भित्रमा जैसीथोक वरवोटमा रहेको गाउँपालिका वरीवरी फ्रि वाईफाई सेवा जनतालाई दिने गरी काम सुरु भईसकेको छ , क्रमशः वडा कार्यालय वरीपरी पनि फ्रि वाईफाई सेवा दिईने योजनामा लागेका छौं ।’ उनले आफ्नो पार्टी माओवादी केन्द्रको चुनावी घोषणा पत्रमा पनि उक्त कुरा भएको र अन्य राजनैतिक दलबाट निर्वाचित जनप्रतिनिधीहरुको पनि फ्रि वाईफाई सेवा जनतालाई दिन एकमत भएकोले त्यसको प्रकृया सुरु भई सकेको बताए ।

त्यस्तै सरकारी कामकाज अनलाईनबाटै गर्ने गरी काम सुरु भएको समेत पोखरेलले बताए । ‘ प्रत्येक वडामा के काम भई रहेको छ ? त्यो अनलाईनबाटै नियाल्न सकिने, दिनभरीको काम साँझ गाउँपालिकाको कार्यालयमा वडाले रिर्पोटिङ्ग गर्ने अव तथ्याङक कागजमा मात्र होईन अनलाईनमा राख्ने छौं’ उनले भने, ‘नमुना धुर्कोट बनाउने हाम्रो अभियानको यो पनि जिल्लामा एउटा नमुना हो ।’

Show More

Adblock Detected

कृपया हजुरको ब्राउजरमा बिज्ञापन रोक्ने एप्लिकेशन डिसेबल गरेर हाम्रा समाचारहरु हेर्न सक्नुहुनेछ ।