gulminews logo
शनिबार, २०७९ असार १८

जिसस गुल्मीको निर्वाचन असार १ गते

हुमाकान्त पोखरेल
गुल्मी, २६ जेठ । जिल्ला समन्वय समिति गुल्मीको निर्वाचन आगामी असार १ गते हुने भएको छ । मुख्य निर्वाचन अधिकृतको कार्यालय, गुल्मीले असार १ गते निर्वाचन हुनेगरी जिल्ला समन्वय समिति निर्वाचन –२०७९ को कार्यतालिका सार्वजनिक गरेको हो । कार्यतालिका अनुसार बुधबार आयोगले २४ जना मतदाताहरुको नामावली सार्वजनिक गरेको छ । त्यस्तै जेठ २७ गते मतदाता नामावली सच्याउन निवेदन दिने र संशोधित मतदाता नामावली प्रकाशन गर्ने कार्यक्रम रहेको छ ।

२८ गते मतदाताको विरोधमा उजुरी दिने र उजुरी उपर जाँचबुझ गर्ने एवम् २९ गते अन्तिम मतदाता नामावली प्रकाशन गर्ने कार्यतालिका रहेको मुख्य निर्वाचन अधिकृतको कार्यालयले जनाएको छ । ३० गते उम्मेदवारको मनोनयन–पत्र दर्ता गर्ने र उम्मेदवारको सूचि प्रकाशन गर्ने कार्यक्रम छ । जेठको ३१ गते उम्मेदवारको विरोधमा उजुरी दिने, उम्मेदवारको अन्तिम नामावली प्रकाशन गर्ने, उम्मेदवारले नाम फिर्ता लिने र उम्मेदवारलाई निर्वाचन चिन्ह प्रदान गर्ने कार्यतालिका रहेको मुख्य निर्वाचन अधिकृतको कार्यालयका सहायक निर्वाचन अधिकृत राम बहादुर कुँवरले जानकारी दिए ।

कार्यालयले मतदानको लागि २४ जना मतदाताको नाम सार्वजनिक गरेको छ । जसअनुसार जिल्ला १२ पालिकाका २४ जना मतदाता छन् । स्थानीय तहका प्रमुख÷अध्यक्ष एवम् उप–प्रमुख÷उपाध्यक्ष जिल्ला समन्वय समितिको निर्वाचनको लागि मतदाता हुन पाउछन् ।

के छ तयारी ?

समन्वय समितिको निर्वाचनका लागि काँग्रेस र एमालेका १०÷१० एवम् माओवादी केन्द्रका चार मतदाता छन् । कालिगण्डकीमा माओवादी–एमाले तालमेलबाट ‘सूर्य’ चिन्हबाट माओवादी केन्द्रको उम्मेदवार विजयी भएकोले माओवादीले आफ्नो पाँच र एमालेको नौ मत रहेको दाबी गरेको छ । पाँच दलीय गठबन्धनको तर्फबाट काँग्रेसका दोर्ण खत्रीलाई प्रमुख बनाउने तयारी छ । गठबन्धनको तर्फबाट उप–प्रमुखको उम्मेदवार भने अझै टुंगो लागेको छैन । शुक्रबार बस्ने बैठकले उप–प्रमुखको उम्मेदवार टुंगो लगाउने माओवादी केन्द्रका जिल्ला संयोजक बुद्धि जिसीले जानकारी दिए । एमालेका सचिव गणेश श्रीपालीले भने पार्टीको तर्फबाट प्रमुख÷उप–प्रमुखमा उम्मेदवारी दिने वा नदिने भन्ने बिषय नै टुंगो नलागेकोले उम्मेदवार नटुंगाएको प्रतिक्रिया दिए ।

यो पनि पढ्नुस्

सरकारदेखि जंगली जनावर र मनसुनबाट किसान पीडित, जिल्ला सभामा ध्यानाकर्षण गराउँदै स्थानीय सरकार प्रमुख

टोपलाल अर्यालगुल्मी, १६ असार । किसान मानो रोपेर मुरी फलाउने आशाका साथ खेतबारीमा व्यस्त छन्

बालबालिकालाई विद्यालयको पहुँचमा ल्याउन मुसिकोट नगरपालिकाको अभियान

सागर भण्डारीगुल्मी,असार १५ । गुल्मीको मुसिकोट नगरपालिकाले सबै बालबालिकालाई विद्यालयको पहुँचमा ल्याउन अभियान थालेको छ

पछिल्ला अप्डेट

सिफारिस

इतिहासको साँक्षी भार्सेको गोर्खा ग्यालरी, भिक्टोरिया क्रस पाउने रानादेखि भारतमा नेपाली पहिलो कर्णेल बुढाथोकी

टोपलाल अर्यालगुल्मी, ६ जेठ । नेपालका बिरलै गाउँ मध्येको भार्से गाउँ हो । जहाँ समुदाय

error: जान्नेले जसरी नि चोर्छन/सार्छन्, नजान्नेलाई खुच्चिङ :D