जिल्ला समाचार

गुल्मी पहिरोको क्षतीमा कांग्रेसद्वारा दु:ख ब्याक्त, हराईरहेकाहरुको खोजि तिब्र पार्न आग्रह

काठमाडौं, साउन ०७ । गुल्मीको सत्यवति गाउँपालिकामा भएको धनजनको क्षतिप्रति नेपाली कांग्रेसले दुःख व्यक्त गरेको छ । संसदीय दलका प्रमुख सचेतक बालकृष्ण खाँणले मंगलबार विज्ञप्ति जारी गरेर सोमबार राति सत्यवती गाउँपालिकाको लिम्घा र ठूलो लुम्पेक गाउँमा पहिरोले पुर्याएको मानवीय एवं भौतिक क्षतिप्रति दुःख व्यक्त गरेका हुन् ।

नेपाली कांग्रेसका युवा नेता तथा पुर्व सभाषद चन्द्र भण्डारीले उक्त घटनाबाट आफु स्तब्ध भएको भन्दै आफ्नो फेसबुकमा स्टाटस लेखेका छन् । भण्डारीले लेखेका छन्, “गुल्मी जिल्लाको सत्यवती गाउँपालिकाको ठूलो लुम्पेक र लिम्घामा अविरल बर्षाका कारण भएको पहिरोमा पुरिएर १० जनाको मृत्यु तथा ४ जना बेपत्ता र २ जना घाईते भएको खवरले स्तब्ध भएको छु । यस दुःखद घटनामा हराईरहेका ब्यक्तीहरुको खोजिकार्य तिब्रपार्दै राहत र उद्धारमा जुटन सवै पक्षसँग हार्दिक अनुरोध गर्दछु ।” घटनास्थल कांग्रेस नेता भण्डारीको निर्वाचन क्षेत्र पनि हो ।

कांग्रेसले पहिरोले पुरिएर बेपत्ता भएका नागरिकको तत्काल खोजी गर्न र विस्थापित तथा जोखिममा रहेका घरपरिवारलाई पुनस्र्थापनाको व्यवस्था गर्न माग गरेको छ । साथै, कांग्रेसले घाइतेहरुको उपचार एवं राहत तथा मृतक परिवारलाई उचित क्षतिपूर्तिको व्यवस्था गर्न पनि सरकारसँग आग्रह गरेको छ ।

गुल्मीको सत्यवती गाउँपालिकाको वडा नं ४ का दुई स्थानमा सोमबार राति गएको पहिरोमा पुरिएर ११ जनाको मृत्यु भएको थियो भने केही बेपत्ता भएक छन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D