जिल्ला समाचार

गुल्मीमा शिबिरबाट व्यवसायीको कर संकलन, झण्डै ११ सयले सेवा लिए

अनिल खत्री
१९ साउन, गुल्मी । गुल्मीमा शिबिरबाट व्यवसायीको कर संकलन गरिएको छ । आन्तरिक राजस्व बिभाग करदाता सेवा कार्यालय तानसेन पाल्पाले जिल्लाको सदरमुकाम तम्घासमा शिबिर सञ्चालन गरेर कर संकलन गरिएको हो । जिल्ला सदरमुकाम तम्घासमा २ दिनसम्म सञ्चालन भएको शिबिरमा बिभिन्न व्यवसायीहरुले आन्तरिक राजस्व बिभाग करदाता सेवा कार्यालय तानसेन पाल्पाको सेवा प्रदान गर्न शिबिर राखिएको कार्यालय प्रमुख एवं कर अधिकृत सागर पोखरेलले बताउनु भयो । कार्यालको सेवा पहँुच भन्दा टाढा रहेका करदाताहरुलाई सेवा प्रवाहमा सहजता ल्याउनको निम्ति शिबिर आयोजना गरिएको कार्यालय प्रमुख पोखरेलको भनाई छ ।

शिबिरमा कर संकलन, खाता प्रमाणीत, भ्याटमा दर्ता, कारोवार परिर्वतन, अन्तशुल्क संकलन जस्ता कामहरु गरिएको कर अधिकृत पोखरेलले बताउनु भयो । करदाताहरुले बिभिन्न व्यवसायहरु कसरी सञ्चालन गर्ने, कर कहिले तिर्ने जस्ता बिषयहरुमा करदाता शिक्षा पनि प्रदान गरिएको पोखरेलले बताउनु भयो । यहाँका व्यवसायीहरुलाई कर तिर्न निकै समस्या रहेकाले शिबिरबाटै भएपनि कर तिर्नुपर्ने बाध्यतालाई अत्य गर्न शिबिर राखिदिन कार्यालयलाई आग्रह गरिएको गुल्मी चेम्बर अफ कमर्शका महासचिव कृष्ण भण्डारीले बताउनु भयो । सबैपक्षका समन्वयमा शिबिर पनि सम्पन्न भएको भण्डारीले बताउनु भयो ।

व्यवसायीको हितको निम्ति आगामी दिनमा पनि यस्तै शिबिरहरु सञ्चालन गर्न खोजी रहेको भण्डारीले बताउनु भयो । करदाता सेवा कार्यालय पाल्पाले गुल्मी र पाल्पा हेर्ने गरि कार्यालय स्थापना भएको छ । तर यहाँका व्यवसायीहरु बिभिन्न व्यवसायको कर तिर्न पाल्पा, बुटवल जानुपर्ने बाध्यता रहेको छ । घरदैलो मै सेवा पाउदा यवसायीहरुले खुसी व्यक्त गरेका छन् । वर्षातको समयमा कर बुझाउनको निम्ति बाहिर जानु पर्ने र यहिँ कर बुभाउन पाउँदा समयको पनि बचत भएकाले खुसी व्यक्त गरेका हुन् । तम्घासमा चलेको शिबिरमा कर बुझाउन आएकी मालिका गाउँपालिका वडा नम्बर ५ छापहिले निवासी गोमा गिरीले करदाता शिक्षा नहुँदा धेरै साना व्यवसायीहरु मर्कामा परेको बताउनु भयो ।

तम्घासमै सेवा पाउदा सुबिधा भएपनि कहिले कर तिर्ने, कुनकुन व्यवसाय गर्दा कर तिर्नु पर्छ भन्ने जस्ता बिषयमा अन्योल रहेको गिरीले बताउनु भयो । व्यवसायीहरुले शिबिर भन्दा पनि यहाँ कर संकलन गर्ने कार्यालय नै स्थापना भएसाना व्यवसायीहरु कर संकलन गर्ने तथा कर तिर्ने जस्ता बिषयमा जानकारी राख्न पाउने उहाँको भनाई छ । उहाँ जस्तै धेरै गाउँबाट आएका साना व्यासायीहरु करले कर बारे धेरै कुरा जानकारी नभएको बताउनु भयो । कर भ्याक बारे जानकारी नहुँदा साना व्यवसाय गर्नेहरु ठूलो रकम तिर्नुपर्ने बाध्यता पनि रहेको व्यवसायीहरुको तर्क रहेको छ ।

शिबिरमा १ हजार बढिले सेवा लिए, १० लाख वढि बचत

तम्घासका व्यवसायीहरुले पाल्पा बुटवमा पुगेर कर तिर्न जाँदा प्रति व्यक्ति १ हजार भन्दा वढि रकम खर्चिनु पर्ने बाध्यता थियो । शिबिर बाहेक सदरमुकाम तम्घासमै कर बुझाउदा पनि अतिरिक्त शुल्क लाग्ने गर्दथ्यो । तर तम्घासमा राखिएको शिबिरमा व्यवसायीहरुले कार्यालयमा बुझाउनु पर्ने रकम बाहेक अन्य रक मभने तिर्नु पर्ने थिएन् । यसरी तम्घासमै शिबिर सञ्चालन गरेर राजस्व संकलन गर्दा यहाँका व्यवसायीहरुको ठूलो आर्थिक रकम पनि बचत भएको छ । शिबिरमा १ हजार ३७ जना व्यवसायीहरुले कर तथा राजजस्व तिरेका थिए । व्यावसायीबाट २० लाख राजजस्व संकलन भएको कर अधिकृत सागर पोखरेलले बताउनु भयो ।

यसरी व्यवसायीको पाल्पा सम्म पुग्ने मात्रै सामान्य प्रति व्यक्ति १ हजार रकम मात्रै खर्च हिसाव गर्दा पनि १० लाख वढि बचत भएको तम्घासका व्यवसायी बिरेन्द्र भुसालले बताउनु भयो । न्युनतम रकम राखेर हिसाव गर्दा पनि व्यवसायीहरुको ठूलो रकम बचत भएको भुसालले बताउनु भयो । शिबिर बाहेक तम्घासमै, पाल्पा बुटवमा गएर कर बुझाउदा प्रति व्यक्ति हजार भन्दा वढि आउदा जाँदा खचिर्नु पर्ने बाध्यता रहेको छ । उहाँले २ दिनको शिबिरमा सबै व्यवसायी समेटिन नसकेको भए आगामी भदौमा पनि शिबिर राखिने बताउनु भयो ।

समय र रकम बचत हुँदा यहाँका व्यवसायीहरुले खुसी व्यक्त गरेका छन् । आर्थिक रकम र समयको बचत हुँदा यहाँका व्यवसायीहरुले यस्ता शिबिर आमागी दिनहरुमा पनि राख्नु पर्नेमा जोड दिएका छन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D