gulminews logo
बिहीबार, २०७९ भाद्र २

गुल्मीमा योजना तर्जुमामा नागरिक सहभागिता बढ्दै

अनिल खत्री
२ जेठ, गुल्मी । गुल्मीमा स्थानीय तहको योजना तर्जुमा प्रक्रियामा नागरिकको सहभागिता बढ्दै गएको एक कार्यक्रमका सहभागीहरुले बताएका छन् । एकीकृत ग्रामीण विकास समाज गुल्मीले इस्मा गाउँपालिका वडा नं. ३ दर्लामचौरमा विकासमा नागरिक सहभागिता र योजना तर्जुमाका चरणहरुको बारेमा राखेको कार्यक्रममा सहभागीहरुले उक्त कुरा बताएका हुन् ।

समाजले स्थानीय सभाका सदस्य र नागरिकलाई जानकारी गराउन आयोजना गरेको अभिमुखीकरण कार्यक्रम आयोजना गरेको हो । महिला विकास समुहकी अध्यक्ष तेजमाया अर्यालले बस्तीस्तरको योजना छनौट गर्दादेखि नै महिलाहरुका समस्या र उक्त समस्याको आधारका योजना माग गर्दै आएको बताइन् ।

कार्यक्रमका सहभागी लालबहादुर नेपालीले दलित समुदायको लागि आवश्यक योजनाहरु छान्दा उक्त समुदायमा छलफल गरी छनौट गर्ने अभ्यासको सुरुवात भएको बताए । उनले स्थानीय जनताको जीवनस्तर सुधार गर्नका लागि स्थानीय सरकार थप जिम्मेवार भएर काम गर्नुपर्ने बताए ।

वडाध्यक्ष तोयनाथ सापकोटाले आगामी आर्थिक वर्षको लागि बस्तीस्तरका योजनाहरु छानेर प्राथमिकीकरणको क्रममा रहेकोले महत्वपूर्ण योजना तथा मागहरु छुटेको भएमा वडा कार्यालयमा जानकारी गराउन नागरिकलाई आग्रह गरे । एकीकृत ग्रामीण विकास समाज गुल्मीले पारस्पारिक जवाफदेहिता परियोजनाअन्तर्गत उक्त कार्यक्रमको आयोजना गरेको हो ।

कार्यक्रममा एकीकृत ग्रामीण विकास समाज गुल्मीका कार्यसमिति सदस्य ओम कार्कीले योजना छनौटका ७ चरण र नागरिकको सहभागिताका विषयमा सहजीकरण गरेका थिए । पारस्परिक जवाफदेहिता परियोजनाका संयोजक हीरा कुवँरले विकास र योजनाको अवधारणा, सामाजिक समावेशीकरणमा आधारित विकास र विकासमा जनसहभागिताको विषयमा सहजीकरण गरेकी थिइन् ।

कार्यक्रमको अन्त्यमा सहभागीहरुले वडातहमा हुने विकासका काममा नागरिकको सहभागिता बढाउनका लागि आफुहरुले थप पहल गर्ने बताए ।

यो पनि पढ्नुस्

पुर्वप्रधानमन्त्री खनाल, पुर्वमन्त्री झाँक्री लगायत नेकपा एकीकृत समाजवादीका नेताहरु गुल्मी आउँदै

गुल्मी, भदौ ०२ । पुर्व प्रधानमन्त्री तथा नेकपा एकीकृत समाजवादीका नेता झलनाथ खनाल गुल्मी आउने

गुल्मीका २१ वर्षिय युवाको उपचारमा १३ लाख रुपैँया सकियो, आर्थिक अभाव भएपछि जोखिम मोलेर गाउँ फर्किदै

टोपलाल अर्यालगुल्मी, भदौ ०२ । गुल्मीको इस्मा गाउँपालिका ४ कुविन्देका २१ बर्षीय मोहन खड्का ।

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D