जिल्ला समाचार

गुल्मीमा प्रथम मालिका क्वीज सञ्चालन हुँदै

सन्तोष महतारा
गुल्मी, जेठ १७ । गुल्मीमा प्रथम मालिका क्वीज सञ्चालन हुने भएको छ । मालिका गाउँपालिको आयोजना तथा टि.जि. मिडिया प्रा.लि. को सहकार्यमा उक्त कार्यक्रमको आयोजना गरिने भएको हो ।

मालिका गाउँपालिकाभित्र माध्यमिक तहमा अध्ययन गर्ने विद्यार्थीहरूको बौद्धिक क्षमता वृद्धि गर्ने उद्देश्यले प्रथम मालिका क्वीजको आयोजना गरिने भएको मालिका गाउँपालिकाले जनाएकाे छ ।
प्रथम मालिका क्वीजमा मालिका गाउँपालिका भित्र रहेको १० वटा माध्यमिक विद्यालयको सहभागिता रहनेछ भने प्रथम, द्वितीय र तृतीय हुनेले क्रमशः १२ हजार, ९ हजार र ६ हजार सहित प्रमाणपत्र प्राप्त गर्नेछन् ।

कार्यक्रम यही जेठ २२ गते मालिका गाउँपालिकाको वडा नम्बर ८ मा रहेको मालिका माध्यमिक विद्यालयमा सञ्चालन हुने कार्यक्रम संयाेजक डि.बि खड्काले जानकारी दिनुभएकाे छ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D