जिल्ला समाचार

गुल्मीमा तीन वर्षीया बालिका मृत फेला

गुल्मी, २८ भदौं । गुल्मीको मदाने गाउँपालिका–२ बाँझकटेरीकी उमा पोख्रेलकी तीन वर्षीया छोरी आयुषा पोख्रेल आइतबार बिहान मृत भेटिएकी छिन् । शनिबार बालिका छिमेकीकोमा पञ्चमीको पूजामा गएकी थिइन् । पूजा सकेर टीका लगाउन खोज्दा बालिका नभेटिएको वडाध्यक्ष माधव भुसालले बताए ।

जिल्ला प्रहरी कार्यालय गुल्मीका प्रमुख गोपालचन्द्र भट्टराईका अनुसार घटना सम्बन्धमा अनुसन्धान भइरहेको छ । बालिकाको अनुहारमा निलो र चिथोरे जस्तै दाग देखिएका छन् । प्रहरी प्रमुख भट्टराईले प्रारम्भिक अवस्थामा जङ्गली जनावरको आक्रमण जस्तो देखिए पनि बालिकाको शवको पोस्टमार्टमसहित अरु अनुसन्धान अगाडि बढाउने बताए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D