जिल्ला समाचार

गुल्मीमा एकजनाको धरौटी जफत

हुमाकान्त पोखरेल
गुल्मी, २० मंसिर । मंसिर १४ गते भएको उप–निर्वाचनमा गुल्मीमा एकजनाको धरौटी जफत भएको छ । जिल्लाको रुरुक्षेत्र गाउँपालिका वडा नम्बर ६ रिमुवामा वडाध्यक्ष पदको लागि भएको निर्वाचनमा स्वतन्त्र उम्मेद्धार मन बहादुर दर्लामीको धरौटी जफत भएको हो ।

रिमुवामा कुल मतदाता दुई हजार ४८ मध्ये एक हजार ५४४ मत खसेको थियो । जसमा १४ मत बदर भई कुल एक हजार पाचँ सय ३० मत सदर भएको थियो । निर्वाचनको नियमअनुसार कुल सदर मतको १० प्रतिशत भन्दा कम मत ल्याउने उम्मेद्धारको धरौटी जफत हुने गर्दछ । जसअनुसार प्रत्येक उम्मेद्धारले आफ्नो धरौटी जोगाउन न्यूनतम १५३ मत ल्याउनु पर्दथ्यो । तर दर्लामीले एक मत अर्थात ०.०००६ प्रतिशत मत ल्याएका थिए । दर्लामीले धरौटीस्वरुप बुझाएको एक हजार रुपैँया जफत भएको जिल्ला निर्वाचन कार्यालयका नायब सुब्बा श्याम पाण्डेले जानकारी दिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D