जिल्ला समाचारबिकासका कुरा

गुल्मीको रिडी रुद्रबेणी वामिटक्सर सडक कालोपत्रे गर्न प¥यो बजेट

अनिल खत्री
२६ फागुन, गुल्मी । गुल्मीको रिडी रुद्रबेणी वामिटक्सर सडक खण्ड कालोपत्रे गरिने भएको छ । सडक कालोपत्रे गर्न नेपाल सरकार भौतिक पूर्वाधार तथा यातायात मन्त्रालयबाट रु १४ करोड बिनियोजन भएको हो ।

जिल्लाको अति व्यस्त र पुरानो सडक भएपनि अझैसम्म त्यसको कालोपत्रे हुन सकेको छैन् । तर पछिल्लो बिनियोजित बजेटले सडक कालोपत्रे गर्ने पक्रिया अगाडी बढने भएको छ ।

गुल्मी जिल्ला सदरमुकाम तम्घास भित्रिने सडक भन्दा यो सडकमा धेरै सवारी साधानहरु चल्ने गर्दछन् । बुटवल पाल्पाबाट गुल्मी हुँदै बाग्लुङसम्म सवारी साधनहरु जाने भएकाले पनि यो सडक निकै व्यस्त सडक हो ।

सडक कालोपत्रे गर्न बजेटको व्यवस्था भएको र छिट्टै टेण्डर आह्वान हुने परराष्ट्रमन्त्री प्रदीप ज्ञवालीका स्वकीय सचिव जंग नेपालीले बताए । यो सडक परराष्ट्रमन्त्री प्रदीप ज्ञवालीको निर्वाचन क्षेत्रमा पर्दछ ।

पछिल्लो समय यो सडक निकै जोखिम पुर्ण सडक मानिदै आएको छ । समयमै सडक कालोपत्रे गर्ने कार्य सम्पन्न भए गुल्मी र बाग्लुङका ठूलो हिस्साको जनाता प्रत्यक्ष लाभाम्भित हुनेछन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D