जिल्ला समाचार

गुल्मीको चारपालामा प्रहरीलाई नयाँ भवन, १ दर्जन प्रहरी चौकी अझै भाडामै

अनिल खत्री
२६ कात्तिक, गुल्मी । प्रदेश नम्बर ५ का प्रहरी प्रमुख प्रहरी नायव महानिरिक्षक सुरेश बिक्रम शाह सरकारसँग १ बोतल पानी रहेको र तिर्खा लागेका धेरै भएको बताएका छन् । सोमबार गुल्मीको गुल्मीदरबार गाउँपालिका वडा नम्बर–६ को चारपालामा रहेको नव निर्मित प्रहरी चौकी भवन उदघाटन गर्दै नायव महानिरिक्षक शाहाले आबश्यक दरबन्दी अनुसार प्रहरी नहुदा धेरै नागरिकलाई थोरै जनशक्तिबाट सुरक्षा दिनु परेको बताए ।

पानी चुइने छाना मुनी जीर्ण भवनहरुमा बसेको प्रहरी अब बलियो घरमा प्रहरी बसेकाले शान्ति सुरक्षा कायम गर्न अझ बढि प्रतिबद्ध हुने बताए । शाहले कानुनी राज्यको अनुरुप जनताको मौलिक हक, नागरिक स्वतन्त्रता, मानब अधिकारको संरक्षण गर्दै आफुलाई हरेका अबस्थामा स्वच्छ र शसत्त प्रहरीको रुपमा प्रस्तुत भइदिन निर्देशन दिए ।

प्रहरीका युनिट अनुसारको दरबन्दी नभएको र सरकार समृद्धि तर्फ जाँदै गर्दा सबै पुरा हुदै जाने नायव महानिरिक्षक शाहको भनाई छ । प्रहरी नायव महानिरिक्षक शाहाले दरबन्दी अनुसार प्रहरी नहुदा पनि शान्ति सुरक्षा कायम गर्न प्रतिबद्ध रहेकाले अधिकारी कानुन हातमा लिएर अपराधीक तत्व गर्नेलाई प्रहरीले नछोडने बताए ।

नागरिकलाई शान्ति सुरक्षा दिने सवालमो नागरिकले अनुभूति गर्ने गरि त्यस ढंगबाट काम गर्न निर्देशन दिए । कार्यक्रममा गुल्मीदरबार गाउँपालिका अध्यक्ष अशोककुमार थापाले भाडाको सानो घरबाट कठिन अबस्थामा पनि प्रहरीले सेवा दिँदै आएकाले नवनिर्मित भवनबाट सहज हुने बताए ।

उनले त्यस स्थानमा द्धन्द्धको समयमा पटक–पटक प्रहरी चौकी आक्रमण परेर युनिट नै यहाँबाट गएको र पुन स्थानीयले घर बनाएर राखेको बताए । नागरिलाई सुरक्षा दिन प्रहरी अति आबश्यक रहेकाले त्यसको महसुश अनुसार यहाँका जनताले नै सानो टहरो बनाएर प्रहरी बस्नको निम्ति सहयोग गरेको बताए ।

प्रहरी चौकी भवन सहित सुरक्षा निकायको उपस्थिति हुनुले नागरिकलाई सुरक्षा अनुभूतिमा थप टेवा मिलेको बताए । नागरिकले आफ्ना समस्याहरु प्रहरी समक्ष राख्ने र शान्ति सुरक्षा मजवुत बनाउनको लागि सहयोग गर्नुपर्ने बताए ।

नवनिर्मित भवन नेपाल सरकारको रु १ करोड २२ लाख ६३ हजार ८६३ रुपैयाँ लागतमा सम्पन्न भएको जिल्ला प्रहरी कार्यालय गुल्मीका प्रहरी निरिक्षक चुरामणी पुनले बताए । २०७५ साल जेठ ६ गते १ वर्ष भित्र सम्पन्न गर्ने गरि रेसुङ्गा दर्शन कन्टकष्सन सप्लायर्स पा्रलि तम्घास गुल्मीले जिम्मा लिएको थियो ।

नव निर्मित भवन बनेसँगै स्थानीयले अबढुक्कसँग बस्न र शान्ति सुरक्षाको महसुस गर्न पाउनेमा खुसी व्यक्त गरेका छन् । प्रहरी पनि बलियो घरमा बसेकाले स्थानीयले पनि शान्ति सुरक्षाको बलियो महसुस गरेको स्थानीयको भनाई छ । नव निर्मित भवनको उद्घाटनमा जिल्ला स्थित सुरक्षा निकायका प्रमुख, जनप्रतिनिधी र स्थानीयको सहभागिता थियो ।

जिल्लामा प्रहरी कार्यालयसँगै क वर्ग २ वटा इलाका प्रहरी कार्यालय, ख वर्गमा २ वटा प्रहरी चौकी, १३ वटा चौकी र २ वटा अस्थी प्रहरी चौकी गरि २० वटा प्रहरी यूनिट रहेको जिल्ला प्रहरी कार्यालय गुल्मीले जनाएको छ । प्रहरी चौकी मध्ये १० वटा चौकीको भवन रहेका छ भने १० वटा चौकी भाडामा छन् । जसमध्ये एउटा प्रहरी चौकी भवन बन्दैछ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D