तिलाचन पाण्डे
गुल्मी, पुष १० । गुल्मीको मुसीकोट नगरपालिका वडा २ मा रहेको खस्थोक माध्यमिक विद्यालयमा प्रमाणपत्रको प्रतिलिपी निकाल्दा रु.३ हजार दस्तुर तिर्नुपरेको एक अभिभावकले गुनासो गरेका छन् ।
सोही विद्यालयमा कक्षा ८ को प्रमाणपत्रको प्रतिलिपी लिदाँ तीन हजार रुपैयाँ तिर्नुपरेको सोही विद्यालयकी छात्रा ईश्मा गाउँपालिका वडा ४ का पुर्णिमा नेपालीका बुबा दान बहादुरले गुनासो गरेका हुन् ।
नेपालीकाअनुसार पहिले प्रमाणपत्र लिंदा पनि आफूले ३ हजार तिरेको र अहिले विविध कारणले गर्दा प्रतिलिपी निकाल्दा पनि पुनः ३ हजार तिर्नुपरेको बताएका छन्।
१ वर्ष पहिले छात्राको प्रमाणपत्र निकाली बाग्लुङ कुरियर मार्फत पठाउँदा हराएकाले प्रतिलिपि निकाल्नु पर्ने भएको बुबाले जानकारी दिए ।
प्रमाणपत्र हराएकै कारण उनले १ वर्ष खेर गएको र कक्षा नौ को रजिस्टेसन फर्म नै भर्न नपाएको जनाएका छन् ।
विद्यालयका प्रधानाध्यापक कृष्ण सुर्यबंशीले भने विद्यालय ब्यवस्थापन समितिले गरेको निर्णयका आधारमा लिइएको बताएका छन् ।
ब्यबस्थापन समितिको निर्णय अनुसार कक्षा ५ सम्म्को प्रमाणपत्र निकाल्दा दुई हजार र ६ देखि ८ सम्मकालाई तीन हजार लाग्ने गरेको हो ।
पुर्णिमाको प्रमाण पत्र निकाल्दा पहिले ३ हजार र प्रतिलिपि लिँदा पनि ३ हजार गरि ६ हजार लिएको सुर्यबंशीले स्विकार गरेका छन् ।
