कोरोनाजिल्ला समाचारमुख्य हेडलाईन

कोरोना संक्रमित बिरामीका सम्र्पकमा आएका ३० जनाको स्वाब संकलन

अनिल खत्री
६ जेठ, गुल्मी । गुल्मीमा कोरोना संक्रमित बिरामी फेला परेपछि मदाने गाउँपालिकाबाट ३० जनाको स्वाब संकलन गरेर पिसिआर चेकको लागि बुटवलमा पठाइएको छ । सोमबार जिल्लाको मदाने गाउँपालिका वडा नम्बर–६ का ४१ वर्षियामा कोरोना संक्रमण देखिएको थियो ।

संक्रमित बिरामीका आफन्त र सम्पर्कमा आएकाहरुको जिल्ला स्वास्थ्य कार्यालय गुल्मीबाट गएको टोलीले स्वाब संकलन गरेर प्रादेशिक प्रयोगशाला रुपन्देहीमा पठाइउको मदाने गाउँपालिका प्रमुख प्रशासकीय अधिकृत सुरेश भण्डारीले बताए । मदाने गाउँपालिकाको क्षेत्रलाई जेठ ५ गते साँझदेखि अर्को सूचना जारी नभएसम्मको लागी पूर्ण रुपमा सिल गरिएको छ ।

कोरोना संक्रमित फेला परेपछि छिमेकी जिल्लाहरुले सिल गरेका छन् । संक्रमित गाउँपालिकाको सिमानामा अर्घाखाँची र प्युठान जिल्ला पर्दछ । ति जिल्लाहरुले नाकाहरुमा थप सर्तकता अपनाएका छन् । जिल्लामा पनि छिमेकी पालिकाहरुले थप सर्तकता अपनाएका छन् ।

संक्रमित बिरामी फेलापरेसँगै उनिसँगै निजिकिएकाहरु सबैलाई पहिचाहन गरि आरडिटी र पिसिआर परिक्षण गर्ने कार्य तिब्र पारिएको जिल्ला प्रमुख जिल्ला अधिकारी भरतकुमार शर्माले बताए । मदाने गाउँपालिकामा स्वस्थ्य कर्मी खटिएपछि जेठ ६ र ७ गते गुल्मी अस्पतालको ओपिडी सेवा बन्द गर्ने निर्णय भएको छ ।

तोकिएको एरिया सिल गरेको समयमा आवत जावत गर्नेलाई आबश्यकताअनुसार नियन्त्रणमा लिई कानूनी कारवाही अगाडी बढाउने जिल्ला प्रशासन कार्यालय गुल्मीका प्रशासकीय अधिकृत पाण्डेयले बताए । संक्रमित व्यक्ति गुल्मी जिल्लामा कोरोना पोजिटिभ देखिने पहिलो व्यक्ति हुन् ।

उनि शिक्षक रहेको बताइएको छ । उनलाई कसरी कोरोना भाइरस सरेको भन्ने खुलेको छैन् । उनिसँग धेरै व्यक्तिहरु सम्पर्कमा रहेकाले सबैको तत्कालै पहिचाहन गरेर चेकजाँचलाई अगाडी बढाइने अधिकृत पाण्डेयले बताए ।

कसरी लाग्यो कोरोना

गुल्मीका कोरोना संक्रमित स्वासप्रश्वासमा समस्या भएपछि अर्घाखाँची हुँदै बुटवलमा पुगेको खुल्नमा आएको छ । संक्रमित व्यक्ति स्वासप्रश्वासमा समस्या भएपछि जेठ १ गते अर्घाखाँची हुदै बुटवलमा लगिएको थियो । अर्घाखाँचीमा निजि मेडिकलमा चेकजाच गराएपछि थप उपचारको लागि बुटवलमा लगिएको थियो ।

बुटवल स्थित क्रिमसन अस्पतालमा उपचारको लागि भर्ना भएका थिए । स्वासप्रश्वाससँगै उच्च ज्वरो आएका सो व्यक्तिको जेठ २ गते स्वाब संकलन गरेर परिक्षणको लागि भैरहवा स्थित प्रदेश जनस्वास्थ्य प्रयोशालामा पठाइएको थियो ।

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker