जिल्ला समाचार

कालिगण्डकी गाउँपालिकामा मैनबत्ती बनाउने तालिम सम्पन्न

अनिता खत्री
गुल्मी, जेठ ३२ । गुल्मीको कालिगण्डकी गाउँपालिकामा मैन निकाल्ने तथा मैनबत्ति बनाउने तालिम सम्पन्न भएको छ । आशा अपाङ्ग केन्द्र तम्घासको आयोजनामा, सामाजिक विकास मन्त्रालय, सामाजिक विकास महाशाखा, प्रदेश नं ५ बुटवल रुपन्देही र कालिगण्डकी गाउँपालिकाको सहयोगम अपाङ्गगता भएका व्यक्तिहरुको शशक्तिकरण तथा क्षमता विकास कार्यक्रम अन्र्तगत मौरीको मह निकालिएको चाकाबाट मैन निकाल्ने तथा मैन बत्ति बनाउने तालिम सम्पन्न गरिएको हो ।

आशा अपाङ्ग केन्द्रकी उपाध्यक्ष गंगा रायमाझीको अध्यक्षता रहेको कार्यक्रममा कालिगण्डकी गाउँपालिकाका अध्यक्ष वेद बहादुर थापाको प्रमुख आतिथ्यता रहेको थियो । कार्यक्रमलाई सम्बोधन गदै गाउँपालिका अध्यक्ष थापाले तालिम अत्यन्तै उपयोगी भएकाले व्यहारमा उत्र्तान सहभागीहरुलाई आग्रह गरेका थिए । थापाले अपाङ्गगता भएकाहरुका लागि आशा अपाङ्ग केन्द्रले खेलेको भुमिका अत्यन्तै प्रभावकारी भएको बताउँदै यस केन्द्रसँगको सहकार्यमा विभिन्न कार्यक्रम अगाडि बढाउने उल्लेख गरे ।

तालिमको समापन कार्यक्रमलाई गाउँपालिकाका उपाध्यक्ष तारा थापा,प्रमुख प्रशासकिय अधिकृत बाबुराम पल्ली मगर,कार्यपालिका सदस्य,प्रत्येक वडाका वडाअध्यक्षहरु लगायत सम्बोधन गदै तालिम प्रभावकारी रहेको बताएका थिए ।

तालिममा सहभागी प्रशिक्षार्थी रामु बिशिले सीपमूलक कार्यक्रमहरुलाई प्रत्येक वडातहमा पुर्याउनुपर्ने बताएका थिए । उनले भौगोलीक अवस्थाका कारण वडातहमै यस्ता तालिमको आयोजना गरे अझ सहभागिता प्रभावकारी बन्ने बताएका थिए । तालिमको प्रशिक्षकमा हिमा थापा, डम्मर गिरी, अमृत रसाइली रहेका थिए ।

तालिममा कालिगण्डकी गाउँपालिकाका ७ वटै वडाबाट प्रतिनिधित्व हुने गरी नेपाल सरकारबाट ‘ग’ र ‘घ’मा वर्गीकरण गरिएका अपाङ्गग्ता भएकाहरुको सहभागीता रहेको थियो ।भने सहागीहरुले तालिमका क्रममा बनाएको मैनबत्ति बालेर समापन गरिएको थियो ।कार्यक्रमको सञ्चालन आशा अपाङ्ग केन्द्रका सुरेश श्रेष्ठको सञ्चालनमा सम्पन्न भएको हो

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker