अनिल खत्री
गुल्मी असोज १९ । आगामी मंसिरमा हुने प्रतिनिधीसभा प्रदेशसभाको निर्वाचनका लागी एमाले गुल्मीले दुबै क्षेत्रबाट सर्वसम्मत सिफारिस गरेको छ । एमाले गुल्मीको बैठकले दुई केन्द्रिय सचिव प्रदिप ज्ञवाली,गोकर्ण बिष्टलाई सिफारिस गरेको एमाले गुल्मीका सचिवालय सदस्य जंग नेपालीले जानकारी दिए ।
ज्ञवाली गुल्मी क्षेत्र नम्बर १ बाट र बिष्ट क्षेत्र नम्बर २ बाट सिफारिस भएका हुन् । ज्ञवाली साबिकको क्षेत्र नम्बर २ बाट दुई पटक निर्वाचित भएका थिए । ज्ञवाली २०५६ साल र २०६४ सालमा सम्पन्न निर्वाचित भएका थिए ।
बिष्ट साबिकको क्षेत्र नम्बर ३ बाट २ पटक निर्वाचित भएका थिए । उनि २०५६ साल र २०७० सालमा सम्पन्न निर्वाचनमा निर्वाचित भएका हुन् । गुल्मीलाई तिनवटा क्षेत्रबाट समायोजन गरि २ वटा क्षेत्र निर्धारण गरिएको छ । जिल्लाबाट ४ वटा प्रदेस सभामा बिभाजन भएको छ ।
एमाले गुल्मीले प्रदेश सभाको उम्मेदवारको नाम सर्वसम्मत बनाउने तर्फ लागेको नेपालीले जानकारी दिए । प्रदेश सभा तर्फ २ नम्बर क्षेत्रबाट पूर्व संसद कमल क्षेष्ठ सर्वसम्मत सिफारिस भएका छन् ।
श्रेष्ठ २०५१ सालमा सम्पन्न निर्वाचनम गुल्मी क्षेत्र नम्बर २ बाट निर्वाचित भएका थिए । अन्य तिनवटा प्रदेशका क्षेत्रबाट धेरै आकांक्षीहरु भएसँगै नाम सर्वसम्मत बनाउने तयारी भइरहेको एमाले गुल्मीले जनाएको छ । प्रदेशसभा तर्फ एक क्षेत्रबाट १५ जना सम्म आकांक्षीहरुले उम्मेदवार बन्नको लागी दावी गरेकाले नाम सिफारिस हुन सकेको छैन् । धेरैले इच्छा जायरगरेपछी जिल्ला कमिटीलाई छनोट गर्नको लागी नाम पठाएका छन् ।
प्रतिनिधी सभा तर्फ समानुपातिक तर्फ बालसिंह काउछा, मैना भण्डारी, गणेश बिश्वकर्मा, होमनाथ कँडेल, भिम पौडेलको नाम सिफारिस गरेको छ । त्यस्तै क्षेत्र नम्बर २ बाट प्रतिनिधी सभाको समानुपातिक तर्फ बोम खड्का, रामकुमारी झाँक्री, सागिर मियाँको नाम सफारिस गरिएको सचिवालय सदस्य नेपाली जानकारी दिए । अन्य दलहरुले पनि उम्मेदवार सिफारिसको लागी छलफल भइरहेको जनाएका छन् ।
मुख्य मन्त्रीको चर्चामा बिष्ट
गुल्मी क्षेत्र नम्बर २ नाम सिफारिस भएका गोकर्ण बिष्टको नाम पाँच नम्बर प्रदेसको मुख्य मन्त्रीमा पनि चर्चामा रहेको छ । प्रतिनिधीसभा तर्फ नाम सिफारिस भएपनि बिष्टको नाम मुख्य मन्त्रीमा पनि चर्चामा रहको छ ।
