जिल्ला समाचार

उच्च शिक्षा संचालनको लागि परदेशीले दिए साढे पाचँ लाख 

हुमाकान्त पोखरेल
गुल्मी, २३ कार्तिक । रोजगारीको लागि विदेश गएका युवाहरुले गाउँको विद्यालयमा उच्च शिक्षा संचालनको लागि रकम प्रदान गरेका छन् । धुर्कोट गाउँपालिका वडा नम्बर २ पिपलधाराका युवाहरुले गाउँकै गणेश माध्यमिक विद्यालयमा कक्षा ११ र १२ संचालनको लागि पाँच लाख ५५ हजार ५५५ प्रदान गरेका हुन् । उनीहरुले गठन गरेको ‘पिपलधारा चौतारी सम्पर्क समिति विश्व सञ्जाल’ मार्फत संकलन गरिएको रकम विद्यालयलाई प्रदान गरिएको महासचिव अमृतकुमार के.सी.ले जानकारी दिए ।

महासचिव के.सी.ले आफुहरु रोजिरोटी चलाउनकै लागि विदेश जान बाध्य भएपनि आगामी पुस्ताले आफुहरु जस्तै रोजगारीकै लागि विदेश धाउन नपरोस् भन्ने उदेश्यले रकम प्रदान गरिएको बताए । त्यसका साथै उनले आफुहरु जहाँ भएपनि सामुदायिक विद्यालयको नजिता राम्रो भएको हेर्न र सुन्ने इच्छ्या भएको बताए । उक्त सँस्था रोजगारीकै लागि भारत, मलेसिया, कोरिया लगायतका १४ वटा देशमा रहेका पिपलधाराका युवाहरुद्धारा संचालित छ ।

गणेश माध्यमिक विद्यालयमा यसै बर्षदेखि प्लस टु संचालनमा आएको छ । जसअन्तरगत पहिलो बर्ष कक्षा ११ मा शिक्षा संकाय र कमर्स संचालन गरिएको प्रध्यानाध्यापक बाबुराम खनालले जानकारी दिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D