काठमाडौं, चैत १४ । अजोड इन्स्योरेन्सको बाली तथा पशुपंक्षी सम्बन्धी बीमा अभिकर्ताको आधारभूत तालिम सम्पन्न गरेको छ । अजोड इन्स्योरेन्स लिमिटेडको बाली तथा पशुपंक्षी सम्बन्धि बीमा अभिकर्ताको आधारभूत तालिम गुल्मीको तम्घास बजारमा सम्पन्न गरेको हो ।
गुल्मी शाखाको तम्घासमा चैत्र १० र ११ गते आईतवार र सोमवार सम्पन्न तालिममा बाली तथा पशुपंक्षी सम्बन्धि बीमा अभिकर्ताको आधारभूत तालिम भएको कम्पनीले जनाएको छ ।
उध्m अवसरमा इन्स्योरेन्सका सहायक महा प्रबन्धक अनिल कुमार अर्यालले बीमाको परिचय सिद्धान्त बीमा व्यवसायको वर्तमान अवस्था र चुनौति देखी कृषि बीमाको बिकास र बिस्तार तथा कृषि बीमाको अभिकर्ताले निर्वाह गर्नुपर्ने भुमिका लगायतका विषयमा प्रशिक्षण दिएका थिए ।
इन्स्योरेन्सका प्रवन्धक दिपक पोखरेलले बाली तथा पशुपक्षी बीमाको साथै अभिकर्ताको काम कर्तब्य र अधिकार तथा जिम्मेवारीको बिषयमा प्रकाश पार्नु भएको थियो कार्यक्रममा ६६ जना कृषि तथा पशु बीमा अभिकर्ताको सहभागिता रहेको थियो ।
कार्यक्रमको संचालन गुल्मी शाखाका शाखा प्रमुख सन्तोष न्यौपानेले गरेका थिए भने ५ नम्बर प्रदेशका क्षेत्रिय प्रबन्धक भगवती रेग्मी तथा केन्दीय कार्यालय मानव संसाधन तथा प्रशासन विभागकी उषा बस्नेत र शाखा कार्यालयका कर्मचारीहरुले सहजीकरण गरेकी थिइन ।
