Notice: Function _load_textdomain_just_in_time was called incorrectly. Translation loading for the rank-math domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home4/b0n2p6e5/public_html/wp-includes/functions.php on line 6114
तिलोत्तमामा रेल चलाउने तयारी: ५० किलोमिटरको चक्रपथ, १५ स्टेशन - Gulminews

तिलोत्तमामा रेल चलाउने तयारी: ५० किलोमिटरको चक्रपथ, १५ स्टेशन

बुटवल, भदौ १८ । रुपन्देहीको तिलोत्तमा नगरपालिकामा रेल सेवाको तयारी थालिएको छ । नगरपालिका र समुदायको लगानीमा ५० किलोमिटर चक्रपथमा रेल चलाउने काम अघि बढाइएको हो । रेल सेवा सञ्चालन गर्न ‘तिलोत्तमा पब्लिक रेल लिमिटेड’ दर्ता गरिँदैछ । सस्तो भाडामा सार्वजनिक यातायातको सेवा दिन भदौभित्रै रेल कम्पनी दर्ता गरेर काम अघि बढाइने यसका परिकल्पनाकार बाबुराम अर्याल बताउँछन् । यसबाट पर्यटन र कृषि विकासमा टेवा पुग्ने उनको विश्वास छ ।

नेपाल रेल्वे कम्पनी, जनकपुरमा महाप्रवन्धक रहिसकेका भोला शर्मा तिलोत्तमा पब्लिक रेल लिमिटेडको प्रवन्ध सञ्चालक बनेका छन् । कम्पनी दर्ताका लागि एक सय जना संस्थापक सेयर होल्डरबाट एक-एक लाख रुपैयाँ संकलन गरिँदैछ । प्रवन्ध सञ्चालक शर्मा भन्छन्, ‘आउँदो ९ असोजमा हुने तिलोत्तमा लगानी सम्मेलनमा नगरपालिकासँग रेल परियोजनाको समझदारीपत्रमा हस्ताक्षर गर्छौं ।’ उनका अनुसार रेल्वेका स्टेशन १५ वटा हुने छन् । कम्पनीमा १५० जनाले रोजगारी पाउने छन् । सर्वसाधारण, विभिन्न कम्पनी र सहकारी संस्थादेखि तीनै तहका सरकारसम्मले शेयर लगानी गर्न सक्ने छन् । रेल्वे कम्पनीले डेढ वर्षभित्र चक्रपथको योगीकुटीदेखि प्रदीपनगरको जनभावना माविसम्म तीनवटा बोगी (डिब्बा) बाट सेवा शुरु गर्ने शर्माले बताए । शर्मा भन्छन्, ‘सामुदायीक लगानीको नेपालको पहिलो रेल सेवा भएकाले गुणस्तरमा सम्झौता नगरी स्तरीय सेवा दिने छौं ।’

रेल सञ्चालन गर्न ४३ फुट चौडा तिलोत्तमा चक्रपथको १० फुट क्षेत्र रेलमार्गका लागि छुट्टाउन पर्नेछ । त्यसका लागि सम्बन्धित निकायलाई निर्देशन दिइसकेको नगरपालिकाका प्रवक्ता सुरेन्द्र श्रीले बताए । प्रस्तावित रेल कम्पनीका संस्थापक शेयर होल्डरहरु निकै उत्साहित छन् । तीमध्येका एक किशोर पन्थीले बसमा भन्दा धेरै सस्तो भाडा हुने भएकाले रेललाई पर्यटकीयसँगै सार्वजनिक यातायात र कृषि उत्पादनको ढुवानीमा समेत प्रयोग गरिने बताए । अर्का संस्थापक खिमलाल पाण्डे कम्पनीले रेल्वे कन्सल्टेन्सी सेवा दिनुका साथै फनपार्क, वायर हाउस र शीत भण्डारसहितको कृषि बजार स्थापना जस्ता काम पनि गर्ने बताए । उनी भन्छन्, ‘नगरभित्रका किसानले उत्पादन गरेका कृषि उपज संकलन र भण्डारणका लागि रेलवे कम्पनीले शीत भण्डार निर्माण गर्नेछ ।’ -सबल पोस्टबाट

यो पनि पढ्नुस्

रेसुङ्गा विमानस्थलको निर्माणको काम डेढ महिना भित्र सम्पन्न गर्ने लक्ष्य, ८० प्रतिशत काम सकियो

अनिल खत्रीगुल्मी, २९ मंसिर । गुल्मी जिल्लाको सिमीचौरमा रेसुङ्गा विमानस्थल निर्माणको कार्यले गति लिन थालेको

पछिल्ला अप्डेट

सिफारिस

गुल्मीमा झिनियाँ व्यापार फस्टाउँदै, बिदेश सम्म पुग्छन गुल्मीमा बनेका झिनियाँ (फोटो फिचर)

टोपलाल अर्यालगुल्मी, ६ कार्तिक । रेसुंगा नगरपालिका ८ की ३६ बर्षीय सुमित्रा श्रेष्ठलाई अहिले झिनियाँ

error: जान्नेले जसरी नि चोर्छन/सार्छन्, नजान्नेलाई खुच्चिङ :D