गुल्मी, चैत १४ । गुल्मीमा निर्माणाधिन एक खेलमैदान निर्माण चरणको अन्तिममा पुगेको छ । जिल्ला स्थित छत्रकोट गाउँपालिका खर्ज्याङमा निर्माण भईरहेको खेल मैदानको निर्माण कार्य सकिन लागेको हो ।
खेल मैदानको लगभग ८० प्रतिशत काम सम्पन्न भएको निर्माण समितिका सचिब यज्ञ पाण्डेले बताउनुभयो ।
प्रदेश सरकारको प्रत्येक गाउँपालिकामा एक खेल मैदान कार्यक्रम अन्तर्गत खेलमैदान निर्माण गर्न लागिएको हो । गत फागुन अन्तिम साता छत्रकोट गाउँपालिकाका अध्यक्ष मधुकृष्ण पन्तले शिलन्यास गर्नुभएको खेल मैदानको चैत्र १ गतेबाट निर्माण थालिएको थियो । यहो चैत्र मसान्त सम्ममा निर्माण सम्पन्न गर्ने लक्ष्य राखिएको समेत निर्माण समितिका सचिब पाण्डेले बताउनुभयो ।
१० रोपनी क्षेत्रफलमा ३६ लाख रुपैँयाको लगानीमा खेल मैदान निर्माण हुने उपभोक्ता समितीका अध्यक्ष सरोज पाण्डेले जानकारी दिनुभयो ।
