तिलाचन पाण्डे
गुल्मी, चैत ९ । गुल्मी जिल्लामा एसइई दिनबाट ४१ जना बञ्चित भएका छन् ।
चैत १० गते आईतबारबाट सुरु हुने एसइई परिक्षामा ४१ जना मध्ये २८ जना छात्रा र १३ जना छात्र रहेको शिक्षा बिकास तथा समन्वय इकाई गुल्मीले जनाएको छ ।
शिक्षा बिकास तथा समन्वय इकाई प्रमुख थानेश्वर घिमिरेका अनुसार ४१ जना छात्र छात्राहरुले नियमित बिधालयमा हाजीर नभएको, बिधालय संचालनमा आएको दिनको ७५ प्रतिशत दिन बिधालयमा हाजीर नभएका कारण उनीहरु परीक्षा दिनबाट बञ्चित भएको जानकारी दिए ।
घिमिरेका अनुसार गुल्मी जिल्लामा कूल २७ वटा केन्द्रहरु निर्धारण गरिएको भन्दै एसइई परीक्षा शान्त बाताबरणमा संपन्न गर्ने गरी ब्यबस्था मिलाएको दाबी गरे ।
