गुल्मी, माघ १२ । नेपाल विद्यार्थी संघ गुल्मीले आगामी फागुन १४ गते हुन लागेको स्वतन्त्र विद्याथी युनियनको निर्वाचनमा रेसुङ्गा बहुमुखी क्याम्पसको लागि आफ्नो उम्मेदवारको टुङ्गो लगाएको छ ।
आईतबार नेपाली काँग्रेस गुल्मीका युवा तथा विद्यार्थी विभाग प्रमुख भगत सिंह खड्काको उपस्थितीमा नेपाल विद्यार्थी संघ गुल्मीले स्ववियु निर्वाचनमा आफु होमीनको लागि रेसुङ्गा बहुमुखी क्याम्पसमा सभापतिमा रामप्रसाद पन्थी (राम्जी) र सचिवमा पुनाराम घिमिरेलाई उम्मेदवार उठाउने सर्वसम्मत निर्णय गरेको हो ।
स्ववियुको निर्वाचनमा नेपाल विद्यार्थी संघलाई जिताउनका लागि सबैलाई आ–आफ्नो ठाउँबाट लाग्न युवा तथा विद्यार्थी विभाग प्रमुख खड्काले आग्रह गरे । अरु बाँकी रहेका पदमा भेग र समावेशिता मिलाएर छिट्टै उम्मेदवारको टुङ्गो लगाउने नेपाल विद्यार्थी संघ गुल्मीले जनाएको छ ।
