रबिलाल पौडेल
गुल्मी । बडिगाढ गाउँपालिका ग्वालिचौरमा पिक अप जीप दुर्घटना भएको छ । सोमबार दिउँसो भएको दुर्घटनामा ४ जनाको मृत्यु भएको छ । घाईते ६ जनाको ग्वालीचौर स्वास्थ्य चौकीमा उपचार भैरहेको छ । जसमा २ जनाको अवस्था गम्भीर छ । घाइतेलाई हेलिकप्टरबाट काठमाडौं लैजाने तयारी हुँदै छ ।
ध.१.ज १८४ नम्बरको जीप बडिगाड गाँउपालीका वडा नम्बर ५ ग्वालीचौर वादिपमा दुर्घटना भएको हो । जलजलाबाट आउँदै गरेको जिप बादिपमा करिब ७ सय मिटर तल खसेको थियो । मृतक र घाइतेको परिचय खुल्न बाँकी रहेको छ प्रंहरी चौकी खारले जनाएको छ ।
