सरकारका पाँच मुख्य कार्यभार : वर्षामान पुन

  •  
  •  
  •  
  •  
  •  

प्रेम सुनार
नेपालगञ्ज भदौँ २९ । नेकपा माओवादी केन्द्रका प्रभावशाली नेता वर्षमान पुनले वर्तमान सरकारको पाँच वटा काम गर्ने प्रमूख कार्यभार रहेको बताएका छन् । शान्ति प्रक्रियाका काम पूरा गर्ने, भूकम्प पीडितलाई राहत र पुनर्निर्माण, संविधानको दायरा बढाएर सर्वस्वीकार्य बनाउन सरकार अघि बढेको उनले उल्लेख गरे । यस्तै स्थानीय तहको निर्वाचन गर्ने र सुशासन कायम गर्न सरकारको प्रमूख काम भएको जनाउँ दिए ।
20160914_141034प्रेस सेन्टर नेपाल प्रदेश नं. ५ प्रथम सम्मेलन गर्दै उनले शान्ति सम्झौता अनुसार शान्ति प्रक्रियाका काम पूरा गर्न सरकार प्रतिबद्ध रहेको बताए । उनले अघिल्लो सरकारको पालासम्म जम्मा ४० हजार भूकम्प पीडितले मात्र राहत रकम पाएको बताउँदै प्रचण्ड नेतृत्वको सरकारले ४ लाख भूकम्प पीडितलाई राहत वितरण गरेर गति लिएको बताए ।
पूर्व अर्थमन्त्री समेत रहेका पुनले संविधानमा सबैको सर्वस्वीकार्यता बताएर निर्वाचनमा जानका लागि सरकारले तयारी गरको बताए । मधेशी, थारु र अन्य समुदायको माग सम्बोधन गर्न संविधान संशोधन गरेर सरकार अघि बढ्ने उनले बताए ।
दुई छिमेकीसँग सन्तुलित सम्बन्ध कायम गर्न सरकार सचेत रहेको दावी गर्दै पुनले वर्तमान सरकार राष्ट्र, राष्ट्रिय स्वाधीनताका काम गर्न र आवश्यक पर्दा संघर्ष र सन्तुलित सम्बन्ध कायम गर्न प्रचण्ड नेतृत्वको सरकार सफल हुने जिकिर गरे ।
पुनर्संरचनामा संख्या भन्दा पनि पुनर्संरचनाको ५६५ अन्तिम संख्या होइन, ८ सय हाराहारीमा संख्या हुनसक्ने सम्भावना बढेको र त्यसैका आधारमा निर्वाचन हुने बताए । उनले वैदेशिक रोजगारीमा पीडित भएकालाई राहत र उद्दार गर्न र जनतलाई प्रत्यक्ष सेवा प्रदान गर्न यो सरकारको प्राथमिकता रहको बताए ।
पुनले देश अब निर्माणका चरणमा पुगेको उल्लेख गरेका छन् । उनले देश नयाँ चरणमा प्रवेश गरेको बताउँदै देशलाई अब सामाजिक न्यायसहितको समृद्धिका लागि अब मिडियाको भूमिका हुनुपर्नेमा जोड दिए ।
पत्रकार महासंघका पूर्व केन्द्रीय महासचिव आम शर्माले ठूलाठालूका पत्रकारिता गाउँ र दूरदराजका जनताको पत्रकारितामा प्रेस सेन्टर (क्रान्तिकारी पत्रकार) आफूहरुले ढाल्न संघर्ष गरेको बताए । यो संगठनका हिसाबले थोरै र सानो भए पनि विचार र कार्यका हिसाबले सबैभन्दा ठूला र महत्वपूर्ण भएका विचार महासचिव शर्माले राखे ।
शर्माले एउटा व्यक्ति र विचारका पकडमा भएका पे्रसलाई जनता र आम नागरिकको बनाउन कृष्ण सेनजस्ताले त्याग र बलिदानी गरेको उल्लेख गरे । क्रान्तिकारीहरुले नै निर्धन वर्ग महिला, जनजाति, गरिब, मुस्लिम, थारु, बच्चा, मधेशी र उत्पीडित समुदायको आवाज र अक्षर बन्न सक्ने प्रेरणा प्रेस सेन्टरले गरेको चर्चा गरे ।
माओवादी केन्द्रका सचिवालय सदस्य महेश्वर गहतराज, पे्रस युनियन नेपालका केन्द्रीय उपमहासचिव प्रेम केसी, अखिल क्रान्तिकारीका उपाध्यक्ष पार्वती पुन, नेकपा एमाले बाँकेका अध्यक्ष अशोक कोइराला, सूर्य घर्तीमगरले अधिवेशन सफलतको शुभकामना दिए । दुई सय जना प्रतिनिधि पर्यवेक्षक रहेको अधिवेशनल नेतृत्व समेत चयन गर्ने पाँच न.ं प्रदेश अधिवेशन आयोजक समितिका सहसंयोजक तुफान अधिकारीले जानकारी दिए ।

गुल्मी जिल्लाको हरेक स्थानिय तहको चुनावी अप्डेट छिन-छिनमा पाउनको लागि गुल्मीन्युजको पेज लाईक गर्नुहोला ।
(यदी पहिले नै लाइक गर्नु भएको छैन भने मात्र)

Comments

comments

Comments are closed.