संविधान संशोधनको विरोधमा गुल्मीमा प्रदर्शन, उद्योग वाणिज्य संघको अगुवाइमा र्‍याली

  •  
  •  
  •  
  •  
  •  

अनिल खत्री
मंसिर ९, तम्घास । गुल्मी लगायतका जिल्लाहरुलाई पाँच नम्बर प्रदेशबाट टुक्राउन खोजिएको विरोधमा सदरमुकाम तम्घासमा विरोध प्रदर्शन भएको छ । उद्योग वाणिज्य संघको अगुवाईमा बिरोध प्रदर्शन गरिएको हो ।

विरोध र्‍यालीमा बिभिन्न राजनीतिक दल, पेशाकर्मी र सर्बसाधारणको समेत सहभागीता थियो । र्‍याली पछि प्रमुख जिल्ला अधिकारीमार्फत प्रधानमन्त्री कार्यलयलाई ज्ञापन पत्र बुझाइएको थियो ।
gulmi-birodh
ज्ञापनपत्रमा संविधान संशोधनको विरोध गरिएको छ र लामो समयदेखि तराईका जिल्लाहरुसँग रहेको ब्यापारीक सम्बन्ध, आत्मियता तथा एकतालाई तोड्न नहुने भन्दै ध्यानाकर्षण गराइएको छ ।

गुल्मी उद्योग वाणिज्य संघका अध्यक्ष दुर्गाप्रसाद पाण्डेले गुल्मेलीहरुको भावनाविपरित संविधान संश्ाोधन भएमा ज्यानको आहुति दिन समेत पछि नपर्ने बताए । उनले संविधान संशोधन गर्नुभन्दा कार्यान्वयनमा जोड दिनुपर्ने धारणा राखे ।

Comments

comments

Comments are closed.