शेरबहादुर देउवालाई कांग्रेस जिल्ला नेताको चेतावनी, अव १२ जिल्लाको आन्दोलनको नेतृत्व गुल्मीले गर्ने

  •  
  •  
  •  
  •  
  •  

प्रेम सुनार
गुल्मी, मंसिर–२२ । ५ नम्वर प्रदेशबाट पहाडका जिल्ला छुट्टाईने गरी ल्याईएको संविधान संशोधनको प्रस्तावको विषयलाई लिएर नेपाली कांग्रेसका गुल्मी जिल्ला सभापति भुवनप्रसाद श्रेष्ठले आफ्ना नेता शेरबहादुर देउवालाई आज कडा चेतावानी दिएका छन् ।

bhuwan prasad shrestha

नव निर्वाचित सभापती श्रेष्ठ

आन्दोलनको आज ८ औं दिनको विरोध सभालाई सम्वोधन गर्दै सभापति श्रेष्ठले भने –‘शेरबहादुर देउवा ज्यु सचेत रहनुहोस हामी नेपाली कांग्रेसको चारतारे झण्डा तोडेर पनि लड्ने छौं , यो हाम्रो कुनै पार्टी विशेषको लडाई होईन हाम्रो माटोको लडाई हो । ’
संयुक्त जनअन्दोलन परिचालन समिति गुल्मीको संयोजक रहेका श्रेष्ठले शेरबहादुर देउवालाई जनभावान विपरित गए हिजोको प्रजा परिषद पार्टी जस्तै विलय भईने चेतावनी समेत दिए । उनले प्रधानमन्त्री प्रचण्डको नामै नलिई सरकारको मात्रै विरोध गर्दै भने–‘ हजारौ जनता सडकमा उत्रेर चिच्चाउँदा पनि नसुन्ने यो सरकार वहिरो हो र अन्धो पनि हो । ’
उनले अहिले गरिएको आन्दोलन ईतिहाँसकै सवै भन्दा ठुलो आन्दोलन भएको र ५ नम्वर प्रदेश अन्तर्गत १२ जिल्लाको आन्दोलनको नेतृत्व अव गुल्मीले गर्ने उद्घोष उद्घोष गरे । धेरै दिन देखि सिडियो विहिन बनेको गुल्मी जिल्ला प्रशासन संग भोली आन्दोलनको के कति रिर्पोट ग¥यो केन्द्रमा भन्ने वारेका हिसाव किताव मागिने र भर्खर कार्यभार सम्हाल्न आएको सिडियोलाई भित्र छिर्न नदिने चेतावानी समेत उनले दिए ।
वारा जिल्लावाट सरुवा भई आएका सिडियो कृष्णप्रसाद ढुङ्गाना गुल्मी प्रवेश गरेको बताईए पनि सदरमुकाम भित्रिए नभित्रिएको जानकारी प्रशासनका अधिकारीहरुले दिन चाहेका छैनन् । श्रेष्ठले सिडियो सहित यहाँको जिल्ला प्रहरी प्रमुखलाई समेत कडा चेतावानी दिएका छन् ।
त्यस्तै नेकपा एमालेका कार्यवाहक अध्यक्ष मध्कृष्ण पन्थले पनि यहाँको प्रशासनलाई कडा चेतावानी दिदै आन्दोलनले सफलता नपाए सम्म कुनै पनि हालतमा पछि नहट्ने अडान दोहराएका छन् । उनले यो आन्दोलन कुनै पार्टी विषयको नभएर सिंङ्गो ५ नम्वर प्रदेशको भएको भन्दै तराईका जिल्ला भारतमा गाभिनका लागि बचाउन सारा जनता सडकमा उत्रिन अपिल गरे ।
माओवादी केन्द्रका नेता निमबहादुर पाण्डेले तराई जिल्लाबाट पहाडी जिल्ला छुटाउन खोजिए फाँसी दिन तयार हुने तर आन्दोलन नछाड्ने उद्घोष गरे । उनले सत्तारुढ दलका दुई नेतालाई ईङ्गित गर्दै एउटा यस्तो गीतको टुक्का निकाले –‘ लालुपाते नुग्यो भुँईतिर , कि लाउ मायाँ उहि तिर कि लाउँ मैतिर , ए निरा नलाउँ दुई तिर …’ । कि भारततिर मात्रै मायाँ लगाउ कि नेपाल तिर मात्रै मायाँ लगाउ भन्ने उनको व्याङ्ग थियो ।
आज ८ औं दिन सिठ्ठी जुलुस निकालेर सरकारलाई व्याङ्ग गरिएको थियो । भोली थाल जुलुस निकाल्ने र प्रशासन कार्यालय भित्र विहान ९ वजे देखि सिडियो र अन्य कर्माचारी छिर्न नदिईने लगायतका कार्यक्रम रहेको जनाईएको छ ।

Comments

comments

Comments are closed.