मुत्यु भएका श्रीमानसंग अझै फोनमा बोल्छीन उनि, नवजात शिशु उनैको हो भन्छिन् उनि

  •  
  •  
  •  
  •  
  •  

प्रेम सुनार
गुल्मी, फागुन–१३ । उनको मस्तीष्कमा अहिले पनि उनका श्रीमान जिवितै छन् । चार वर्ष अघि श्रीमानको भारतमा सडक दुर्घटनामा परी मृत्यु भएको थियो र काज किरियाको ८ दिनमा कसैले श्रीमानको स्मरण गराई दिए पछि उनको मानसिक सन्तुलन गुमेको थियो ।

अहिले चार वर्ष सम्म पनि उनको होस् खुलेको छैन् । काज किरियाको कुनो भित्रैबाट पति वियोगको पिडाले मानसिक सन्तुलन गुमाउने महिला विरलै होलान् । ति विरलै मध्येकी एक हुन् गुल्मीको भनभने गाविस वडा नम्वर १ की २८ वर्षिया कमली बिक ।
उनि १८ वर्षकी हुँदा गुल्मीकै वाग्ला गाविसका वावुराम बिश्वकर्मा संग मागी विवाह भएको थियो । विवाह लगत्तै भारतमा श्रीमान श्रीमति संगै वसे । एक छोरा र एक छोरी पनि जन्मीए । निकै सुखत दाम्पत्य जिवन व्यतित गरी रहेको वेला उनका श्रीमान वावुरामको २०७० सालमा सडक दुर्घटनामा परी भारतमा मृत्यु भएको थियो । तर उनलाई पत्यार लागेन ।
श्रीमानको मृत्युमा एक थोपा आँशु नखसाएकी कमलीलाई काज किरियामा वसेको पनि होस् भएन् । ८ दिनका दिन कसैले उनको श्रीमानको केहि वेर स्मरण के गरेका थिए , उनी हाँस्ने चिच्चाउने गर्दा गर्दै मानसिक सन्तुलन गुमाईन ।
उनकी आमा बुद्ध बिक भन्छिन–‘त्यस पछि उनलाई माईती घरमा ल्या्एर राखिएको हो । माईती घरमा ल्याए पनि उनी धेरै जसो छिमेकी गाउँ पुर्कोटदह वजार तर्फ धेरै जसो जाने गर्थिन् । त्यस क्रमा उनलाई कसले वलात्कार ग¥यो र उनले गर्भधारण गरिन भन्ने कुरा कसैलाई थाह छैन् । उनि आफैलाई पनि थाह छैन् । उनले गत कार्तिक महिनामा छोरी जन्माएकी थिईन् ।’
ति छोरी कसकी हुन भनेर सोध्धा उनले लजाउँदै भन्छिन–‘कसको हुनु नि मेरै श्रीमानको हो ।’ ति छोरीलाई कसैको काँखमा जान दिदै दिदैनन् । हरवखत आफ्नै काँखमा राख्दै र चुम्दै गर्ने उनले हरवखत श्रीमानसंग एकहोरो गफ गर्ने गरेको उनका परिवारजन बताउउछन् ।
मोवाईल फोन उनको साथमा छैन तर कुनै ढुङ्गा वा काठको टुक्रालाई फोन बनाउँदै कानमा राखेर मोवाईलमा श्रीमान भारतमा छँदा र आफु गाउँमा हुँदा जसरी कुरा गर्दथिन त्यसरी नै कुराकानी गर्नु नै उनको दिन कटाउने माध्यम बनेको उनकी वहिनी बताउछिन् ।
हरवखत उनको मन–मस्तीष्कमा श्रीमान रहनुले उनलाई जो जसले करणी ग¥यो त्यसलाई पनि उनै श्रीमान नै ठानेको हुन सक्ने स्थानियले अडकल काट्ने गरेका छन् ।
स्थानियले त्यस्तो अडकल काटे पनि उनलाई करणी गर्ने व्यक्तिको पहिचान अहिले सम्म गर्न नसेके पछि ति सन्तान वेवरिसे बन्न पुगेकी छिन् । मृत्यु भएका श्रीमान तर्फ ८ वर्षकी छोरी र ६ वर्षका छोरा छन् ।
कानमा राख्ने मोवाईल फोन आकृतिको काठ ढुङ्गा कति वेला ला वुवासंग वोल भन्दै छोरा छोरीलाई दिएको वखत परिवारजन भावुक बन्ने गरेको बताउँ छन् । अकल्पनिय रुपमा सडक दुर्घनामा परी मृत्यु भएका उनका श्रीमान प्रति उनको कति माया र कलेस रहेछ भन्ने कुरा मानसिक सन्तुलन विग्रे पनि मोवाईल फोन कुराकारीले स्पष्ट पारेको छ । उनको घर अलिमाथी भनभने ८ टिमुर्खकमा चन्दा मागेर छोरीले आमाको काज किरिया गरी रहेको स्थलगत रिर्पोट लिन जाँदा तल ति युवतीको अवस्था त्यतिकै दर्दनाक थियो ।
फोन रुपी ढुङ्गा काठ कानमा लगाएर मृत्यु भएका श्रीमानलाई न ढाँट्नु के छिटो आउनु कस्तो अस्याट ला’छ भन्दा अहिले चर्चामा आएको एउटा भावनात्मक गीत यसरी गुनगुनाउन मन लाग्छ :
सुन साईली, सुन साईली
अर्को जुनी भेटौला, फेरी त्यसरी नै रमाउँला
………
सुन साईली दियोमा तेल हुुरुरु,
मलाई सम्झी नरुनु

Comments

comments

Comments are closed.