दुर्घटनामा प्राध्यापक भण्डारी र व्यवसायी पन्थको निधन

  •  
  •  
  •  
  •  
  •  

प्रेम सुनार
गुल्मी, असोज–८ । गए राती पाल्पामा सडक दुर्घटनामा परी गुल्मीको रेसुङ्ग वहुमुखी क्याम्पसका सह–प्राध्यापक कृष्ण भण्डारी र निमांण व्यवसायी रामप्रसाद पन्तको निधन भएको छ ।mritak
तम्घासबाट वुटवल जाँदै गरेको ब १४ प ९३६४ नम्वरको स्कार्पीओ गाडी हिजो साँझ करिव साढे ८ वजेको समयमा पाल्पाको चर्चरे भन्ने स्थानमा दुर्घटना हुँदा उनिहरुको मृत्यु भएको र चालक देविराम पन्थी गम्भीर घाईते भएको जिल्ला प्रहरी कार्यालय पाल्पाले जनाएको छ । उक्त गाडी सडकबाट करिव २ सय मिटर तल खसेको जनाईएको छ ।
४७ वर्षिया सह प्राध्यापक भण्डारी तम्घास टेक्नीकल ईन्स्च्युटमा समेत अध्यापन गराउँथे । अत्यन्तै मिलनसार भण्डारी र पन्थको निधनले गुल्मी जिल्लावासी भावविह्ल भएका छन् । ५५ वर्षिय पन्थ यस अघि जिल्ला जनस्वास्थ्य कार्यालय गुल्मीका लेखापाल थिए । विभिन्न सरकारी कार्यालयमा लामो समय सम्म लेखापाल रहेका पन्थ अवकास पछि निर्माण व्यवसायमा लागेका थिए ।
पन्थ निर्माण सेवा प्रा.लि.बाट जिल्लाको विककास निर्माणमा हात हालेका पन्थका श्रीमति , एक छोरा र एक छोरी रहेका छन् । उनको पुर्खेयौली घर हर्दिनेटा–६ मा हो भने हाल रेसुङ्गा नगरपालिका ९ खानीगाउँमा रहेको छ ।
त्यस्तै सह प्राध्यपक भण्डारीको पुर्खेयौली घर हुँगा २ मा पर्दछ । हाल उनको परिवार पनि खानीगाउँमै बसोवास गर्दै आएका छन् । भण्डारीका दुई छोराहरु रहेका छन् । भण्डारी सांसद चन्द्र भण्डारीका दाजुभाई हुन् । गम्भीर घाईते चालक देविराम पन्थी यस अघि लामो समय सम्म जिल्ला विकास समितिका अनुभवी चालक थिए ।
उनको छातीमा गम्भीर चोट लागेर पाल्पा रिफर गरिएको बताईएको छ । पाल्पा जिल्ला अस्पतालबाट मृतक दुवैको शव रिडी ल्याउँदै गरिएको जिल्ला खेलकुद विकास समिति गुल्मीका अध्यक्ष कृष्ण भण्डारीले बताए । तस्वीरः बायाँ पन्थ , दायाँ भण्डारी

गुल्मी जिल्लाको हरेक स्थानिय तहको चुनावी अप्डेट छिन-छिनमा पाउनको लागि गुल्मीन्युजको पेज लाईक गर्नुहोला ।
(यदी पहिले नै लाइक गर्नु भएको छैन भने मात्र)

Comments

comments

Comments are closed.