दलित महिलालाई अपमानजन्य शब्द बोल्नेलाई सचेत गराईयो, अब देखी त्यस्तो नबोल्ने प्रतिबद्दता

  •  
  •  
  •  
  •  
  •  

कृष्ण कँडेल
बागलुङ, मंसिर ५ । जातिय विभेद झल्किने गरि असभ्य शब्द बोलेको भन्दै ईलाका प्रहरी कार्यालय बुर्तिबाङमा परेको निवेदन माथि प्रहरीले छलफल गरि सचेत गराएको छ ।
बुर्तिबाङ–८ का सुनमाया विश्वकर्माले आफुमाथि दलित समुदायलाई विभेद महसुस हुने गरि बोङ्गादोभान–९ का धनबहादुर बोहोरा क्षेत्रीले अपमानजन्य शब्द बोलेको भन्दै प्रहरीमा निवेदन दिएकी थिईन् ।
निवेदन माथि छलफल गर्दा धनबहादुर बोहोरा क्षेत्रीले नबुझेर भुलवस आफुबाट कमजोरी भएको स्विकार गरि क्षमा मागेपछि अबदेखि त्यसो नगर्न सचेत गराईएको ईलाका प्रहरी कार्यालय बुर्तिबाङका प्रमुख प्रहरी निरिक्षक शिवराज क्षत्रीले जानकारी दिए । बोहोराले आफुलाई थाहा नभएका कारण कमजोरी भएको र अवदेखि विभेद महसुस हुने व्यवहार नगर्ने प्रतिवद्धता जनाएका छन् ।
सो अवसरमा प्रहरी नायब निरीक्षक नारायणप्रसाद शर्माले सवै नागरिकहरुले संविधान र कानुनमा भएका व्यवस्थाको बारेमा बुझेर त्यसविपरितका क्रियाकलाप गर्न नहुने भन्दै सचेत गराए । छलफलमा नेपाल दलित मुक्तिमोर्चाका केन्द्रीय सचिवालय सदस्य कुबिर विश्वकर्मा, क्षेतीय दलित सञ्जालका अध्यक्ष विष्णु विश्वकर्मा, नेपाल पत्रकार महासंघ बागलुङ साखाका सदस्य लोकेन्द्र सुनार, नेपाल दलित मुक्ती मोर्चा एरिया नम्बर–१० का इन्चार्ज लोक बहादुर विश्वकर्मा लगायतका दलित अधिकारकर्मी सहभागी थिए ।
नेपालको संविधानले जातिय विभेत तथा छुवाछुत विरुद्धको हकलाई नागरिकको मौलिक हकको रुपमा मान्यता दिएको छ । नेपालको संविधान २०७२ ले जातिय विभेदलाई जघन्य अपराधको रुपमा स्विकार गरेको दलित अधिकारकर्मी कुविर विश्वकर्माले जानकारी दिए ।
उनले छुवाछुत ऐन २०६८ मा जातिय विभेद गर्नेलाई विभेदको प्रकृति अनुसार २५ हजारदेखि १ लाख सम्म जरिवाना र ६ महिनादेखि डेढबर्षसम्म कैद गर्ने ब्यवस्था रहेको बताए ।

गुल्मी जिल्लाको हरेक स्थानिय तहको चुनावी अप्डेट छिन-छिनमा पाउनको लागि गुल्मीन्युजको पेज लाईक गर्नुहोला ।
(यदी पहिले नै लाइक गर्नु भएको छैन भने मात्र)

Comments

comments

Comments are closed.