डोर बिक्रम श्रीष  इन्ट्याग्रीटी आइडल विजेता 

  •  
  •  
  •  
  •  
  •  
प्रेम सुनार
गुल्मी, पौष–२२ । शिद्धबाबा उमावि गुल्मीका प्रधानाध्यापक डोर बिक्रम श्रीष  इन्ट्याग्रीटी आइडल २०१६ को बिजेता बनेका छन् । जवाफदेहीता र पारदर्शिताको क्षेत्रमा कार्यरतसंस्था एकाउन्टबिलिटी ल्याबले हरेक वर्ष घोषणा गर्दैैे आएको इन्ट्याग्रीटी आइडलको तेस्रो संस्करण यसपटक श्रीषले प्राप्त गर्न सफल भएका हुन् ।
विहिवार कार्की पार्टी प्यालेसमा आयोजित भव्य समारोहमा बिजेता श्रीषलाई इन्ट्याग्रीटी आइडल २०१६ को प्रमाणपत्र प्रदान गरिएको हो । यसअघि निजामति कर्मचारीले मात्रै पाउँदै आएका यस उपाधि पहिलोपटक शिक्षकले प्राप्त गरेका हुन् । कुल प्राप्त ९७ हजार भोट मध्ये श्रीषले ४१ हजार बढी भोट प्राप्त गरेका थिए । सन् २०१४ मा तात्कालिन पाँचथरका जिल्ला शिक्षा अधिकारी ज्ञानमणि नेपाल इन्ट्याग्रिटि आइडल बिजेता भएका थिए भने सन् २०१५ मा तात्कालिन गुल्मीका प्रमुख जिल्ला अधिकारी प्रदिप राज कणेल बिजेता भएका थिए । नेपालबाट सुरु भएको यो अभियान तेस्रो संस्करणसम्म आइपुग्दा, लाईबेरीया, पाकिस्तान र मालि लगायतका देशहरुमा पनि विस्तार भैसकेको छ भने ईन्डोनेसियामा सुरु हुने प्रकृयामा रहेको आयोजक संस्थाले जानकारी दिएको छ ।
उत्कृष्ट पाँचमा पर्न सफल मध्येबाट भोटिङको आधारमा बिजेता घोषणा गरिएको थियो । इन्ट्याग्रिटि आइडलका लागि १५ फेब्रुअरी २०१६ बाट चार महिनाको लागि मनोनयन खुल्ला गरीएको थियो । जस अन्तरगत देशका ६७ वटा जिल्लाबाट जम्मा ८३८ मनोनयन प्राप्त भएको थियो । इन्ट्याग्रिटि आइडल ले तय गरेको पूर्व निर्धारीत मापदण्डलाई आधार बनाएर बिभिन्न ७ चरणको छनोट प्रकृया पश्चात स्वतन्त्र निर्णायक मण्डलको गठन गरी उत्कृष्ट पाँचको छनोट गरीएको थियो ।
उत्कृष्ट पाँचमा श्रीषसँगै राष्ट्रिय पुनर्निर्माण प्राधिकरणका उप–सचिव भिष्म कुमार भुषाल, महिला तथा बालबालिका कार्यालय जुम्लाका महिला विकास निरीक्षक बिन्दु कुवँर, बागेश्वरी उमाबि, भक्तपुरका प्रधानाध्यापक कृष्ण प्रसाद धन्छा र मौनाबुधुक स्वास्थ्यचौकी, धनकुटाका स्वास्थ्य सहायक तारा सुवेदी परेका थिए ।
अख्तियार दुरुपयोग अनुसन्धान आयोगका पुर्व प्रमुख आयुक्त सुर्यनाथ उपाध्याय संयोजक रहेको निर्णायक मण्डलमा नेपाल सरकारका भुतपूर्व सचिव जिवनप्रभा लामा, ट्रान्सपरेन्सी ईन्टरनेसनल नेपालका भरतबहादुर थापा र पूर्व विज्ञान तथा प्रविधी मन्त्री गणेश शाह रहेका थिए ।
अन्तिम पाँचको छनोट पछि एसएमएस र वेबसाईटबाट प्राप्त जनताको मत र निर्णायक मण्डलको मतका आधारमा इन्ट्याग्रीटी आइडल २०१६ को छनोट गरिएको आयोजक एकाउन्टबिलिटी ल्याबका प्रमुख कार्यकारी अधिकृत नारायण अधिकारीले जानकारी दिए ।

Comments

comments

Comments are closed.