ग्रामिण भेगमा प्रभावकारी पत्रकारिता तालिम

  •  
  •  
  •  
  •  
  •  

प्रेम सुनार

गुल्मी, कार्तिक–७ । गुल्मीको क्षेत्र नम्वर १ दिव्रुङ्गमा रहेको एक क्लवले सदरमुकाममा आयोजना गरिने पत्रकारिता तालिममा भन्दा प्रभावकारी र वृहत संख्यामा पत्रकारिता तालिम प्रदान गरेको छ । श्री जनसेवा युवा क्लव दिव्रुङ्ग अर्जेवा गुल्मीले यस्तो तालिम दिएको हो ।

असोज ३० गते देखि कार्तिक ६ गते सम्म दिईएको ७ दिने आधारभुत पत्रकारिता, रेडियो उद्घोषण तथा नेतृत्व विकास तालिममा एउटै गाविस दिवु्रङ्गबाट ४१ जना सहभागि थिए भने छिमेकी गाविस आँपचौरबाट ३५ को नेटो काटेकी घरेलु महिलाले समेत उक्त तालिम लिएकी छिन् ।

उनिहरुलाई सदरमुकामबाट पुगेका जिल्लाका वरिष्ठ पत्रकारहरुले तालिम दिएका थिए । पहिलो , दोश्रो र तेश्रो दिन घनश्याम गौतमले तालिम दिएका थिए । चौथो र पाँचौं दिन टोपलाल अर्यालल , छैठ र सातौं दिन , प्रेम सुनार र तिलाचन पाण्डे तालिम दिएका थिए ।

् त्यस्तै नेतृत्व विकास सम्वन्धी तालिम जिविसका कर्मचारी हरिप्रसाद घिमिरेले दिएका थिए । तालिको उद्घाटन क्षेत्र नम्वर १ की सामनुपातिक सांसद सिर्जना तरामुको प्रमुख आतित्यतामा सम्पन्न भएको थियो ।

त्यस्तै समापन समारोहमा प्रेस सेन्टरका केन्द्रिय सदस्य प्रेम सुनारको प्रमुख आतिथ्यता रहेको थियो । तालिम समारोहमा सुनारले दिव्रुङ्ग जस्तो विकट ग्रामिण क्षेत्रमा त्यति ठुलो संख्यामा सदरमुकामको भन्दा प्रभावकारी तालिम दिन सफल भएकोमा क्लवलाई धन्यवाद दिएका थिए ।

तालिममा स्थानिय समाज सेवी टंकबहादुर क्षेत्री, पत्रकार तिलाचन पाण्डे, स्थानिय समाज सेवी युवराज खरेल , क्लवका कार्यक्रम संयोजक हिमाल पुन, ऋषिराम सापकोटा लगायतको विशेष आतिथ्यता रहेको थियो । कार्यक्रमा प्रशिक्षार्थीको तर्फबाट सुरुज खरेल र शिवा अर्यालले मन्तव्य राखेका थिए ।

क्लवका अध्यक्ष कृष्ण थापाको अध्यक्षतामा सम्पन्न कार्यक्रममा सल्लाहकार घनाश्याम खरेलको सञ्चालन रहेको थियो । समापन समारोहमा प्रेस सेन्टरका केन्द्रिय सदस्य प्रेम सुनार र पत्रकार तिलाचन पाण्डेलाई क्लवले सम्मान समेत गरेको थियो ।

Comments

comments

Comments are closed.