गुल्मीका एक युवाको बाटोमा कुटपिट, भिरमा शव फेला, हत्या अभियोगमा ७ जना पक्राउ

  •  
  •  
  •  
  •  
  •  

प्रेम सुनार
गुल्मी, भाद्र – २४ । भदौं २१ पञ्चमीका दिन तिजको राम हेरेर फर्किर्दै घर फर्केका गुल्मी जैसीथोकका एक युवालाई सात जनाको समुहले मोटरबाटोमा घेराउ गरी निर्घात कुट–पिट गरेको तिन दिन पछि उनको भिरमा शव फेला परेको छ ।hatyaजैसीथोक गाविस वडा नम्वर ४का ३७ वर्षिय जनक पोखरेलको शव जैसीथोकको छापेखोला भन्ने स्थानको भिरमा हिजो फेला परेको हो । स्थानिय सात जना युवाहरुको आक्रमणमा पर्ने मृतक पोखरेल र उनका साथी भनिएका मेघराज नेपालीका अनुसार उनिहरु दुई जनालाई ति ७ जनाले त्यस दिन राती करिव साढे दश वजेको समयमा घेराउ गरी आक्रमण गरेका थिए ।

गुल्मी जिल्लाको हरेक स्थानिय तहको चुनावी अप्डेट छिन-छिनमा पाउनको लागि गुल्मीन्युजको पेज लाईक गर्नुहोला ।
(यदी पहिले नै लाइक गर्नु भएको छैन भने मात्र)

नेपाली भन्छन्–‘मृतक पोखरेल र म मिल्ने साथी थियौं, हामी पञ्चमीका दिन जैसीथोक–५ को गोलपोलरीमा पञ्जमीका दिन लाग्ने तीजको राम हेरेर घर फर्किदै थियौं , त्यही क्रममा वडा नम्वर ४ को रातामाटाखानी भन्ने स्थानको मोटरबाटोमा ति ७ जनाले एक्कासी आक्रमण गरे । उनिहरुको घेरबाट म खुस्केर भाग्न सफल भएँ । साथी पोखरेललाई घेरा भित्र राखेर निर्घात कुट्दै थिए , त्यस पछि के भयो मैले थाह पाईन् । ’

ति सात जना भनिएका युवाहरु एउटै सामुदायका जैसीथोक ५ निवासी २१ व्र्षिय शिव नेपाली , १९ वर्षिय अशोक नेपाली, २६ वर्षिय भोजराज नेपाली , २० वर्षिय विष्णुबहादुर नेपाली , १४ वर्षिय प्रेम नेपाली र सोही स्थानमा दिदी भेट्न आएका हस्तीचौर –६ ताल्तुङ्ग निवासी २० वर्षिय सन्तोष नेपाली रहेको उनले बताए । आज ति सातै जनालाई पक्राउ गरी जिल्ला प्रहरी कार्यालयमा राखी उनिहरु संग सोधपुुछ र अनुसन्धान गर्न सुुुरु गरिएको जिल्ला प्रहरी प्रमुख एसपी भोलाबहादुर रावलले जानकारी दिए ।

अहिले प्रारिम्भक अनुसन्धान चलिरहेकोले सवै कुरा अहिले नै भन्न नसिकने भन्दै एसपी रावलले ति ुसात जना विरुद्ध मृतकका भाई सरोज पोखरेलले किटानी जाहेरी दिएको बताउनु भयो । मृतकका भाई सरोजले यस अघि पनि ति युवाहरुले पटक पटक भाई र आफुहरु माथी आक्रमण गर्दै आएको र त्यस दिन उहिरुले कुटपिट गरी मारे पछि भिरमा लगेर फालेको आरोप लगाए ।

अन्य स्थानियवासीहरुले पनि पोखरेलको हत्या नै गरिएको जिकिर गर्दै जिल्ला प्रहरी कार्यालयमा भेला भएका छन् । मृतक पोखरेल सउदी अरवबाट दुई महिना अघि मात्र आमा विरामी परेर घर आएका थिए । लामो समय देखि सउदी अरवमा हेवी डाईभरको काम गर्ने पोखरेललले प्रशस्त पैसा कमाएका थिए । उनको शरिरमा सुनको सिक्री , महँङ्गो मोवाईल हुने गरेको भाई जरोज बताउँ छन् । मृतकका श्रीमति एक छोरा र एक छोरी रहेको बताईएको छ ।

Comments

comments

Leave a Reply

Your email address will not be published. Required fields are marked *